Áramótaræða forsætisráðherra, Hamfarahlýnun, Falsfréttir, Lygar, Loftslagsvá
Þannig er fyrirsögn á áramótakveðju Guðmundar Franklíns Jónssonar sem fer yfir nýársávarp Katrínar Jakobsdóttur og gagnrýnir það harðlega. Hægt er að hlusta á pistilinn hér að neðan.
Jafnframt gagnrýnir hann Guðna Jóhannesson harðlega og segir m.a. ,,Ekki láta glepjast. Guðni er ekki þjóðernissinni frekar en hæna er farfugl. Tökum öllu sem RÚV réttir að okkur með varúð því oftast nær liggur eitthvað að baki sem við sjáum ekki strax.“ Hægt er að lesa þann pistil neðar á síðunni
,,þessi sami forseti bæði skrifaði undir þriðja orkupakkann sem og að beita sér ekki gegn honum“
,,Það er hlægilegt að sjá RÚV og Friðjón, æðsta sölumann forsetans og hægri hönd Bjarna Ben, ætla sér nú að reyna að markaðssetja ESB-forsetann hann Guðna Th. sem þjóðernissinna. Það er fátt sem kom jafn glöggt fram í þessu nýársávarpi og um hvað kosningabaráttan mun snúast og hvernig RÚV ætlar að selja okkur forsetann.
Skrifaði undir þriðja orkupakkann
Við skulum ekki gleyma því að þessi sami forseti bæði skrifaði undir þriðja orkupakkann sem og að beita sér ekki gegn honum. Einnig hefur sitjandi forseti talað gegn þorskastríðinu, reynt að gera lítið úr hetjudáð þeirra Íslendinga sem börðust fyrir landhelginni og fiskinum okkar. Við eigum þessum hugdjörfu forfeðrum okkar mikið að þakka og án drengilegrar baráttu þeirra hefði verið lítið um lífsviðurværi á erfiðum tímum.
Guðni Th. studdi Icesave samningana
Að lokum má það alls ekki falla í gleymsku að Guðni Th. studdi Icesave. Hefði hann verið í brúnni á þessum tíma eru allar líkur á því að þjóðin hefði ekki fengið að kjósa og því orðið að kyngja fyrsta og versta samningnum, þ.e. Svavarssamningnum en Guðni sagði sjálfur í Grapevine þann 19. júní 2009: „Það getur verið að okkur líki Icesave-samningurinn illa, en hinn kosturinn er miklu verri og kannski er þetta það bezta sem við eða einhver annar gæti fengið.“
Kæru vinir. Ekki láta glepjast. Guðni er ekki þjóðernissinni frekar en hæna er farfugl. Tökum öllu sem RÚV réttir að okkur með varúð því oftast nær liggur eitthvað að baki sem við sjáum ekki strax.“
