Hugleiðingar veðurfræðings
Lægðin sem er búin að liggja yfir landinu að undanförnu er nú að þokast til suðausturs og dregur hún norðlæga átt eftir sér inná landið. Mun það gefa vætu á köflum fyrir norðan og austan og fremur svalt veður en sunnan heiða verður bjart fyrripart dags en svo má búast við nokkuð kröftugum skúrum sem enst geta fram á kvöld. Hiti víða 8 til 15 stig, en svalara við norðurströndina.
Bætir líklega í vind til morgun, sunnudags og áfram svipað veður fyrir norðan og austan, en mun minni líkur á skúrum á Suður- og Suðvesturlandi og þar gæti hitinn farið yfir 18 stig þar sem best lætur.
Veðurhorfur á landinu
Norðaustlæg eða breytileg átt 5-13 m/s, hvassast um landið norðvestanvert. Rigning eða súld með köflum norðantil, skýjað með köflum og skúrir sunnan- og vestanlands, en þurrt og bjart að mestu á morgun. Hiti 8 til 17 stig að deginum, hlýjast á Suðurlandi.
Spá gerð: 01.07.2023 09:14. Gildir til: 03.07.2023 00:00.
Veðurhorfur á landinu næstu daga
Á mánudag:
Norðlæg átt 5-10 m/s. Skýjað og úrkomulítið norðan- og austantil á landinu og svalt í veðri, en bjartviðri á Suður- og Vesturlandi og hiti 12 til 20 stig, hlýjast sunnanlands.
Á þriðjudag og miðvikudag:
Norðlæg átt 5-13 m/s. Rigning eða súld norðan- og austanlands, en skýjað með köflum og þurrt að mestu um landið suðvestanvert. Hiti 7 til 15 stig að deginum, mildast sunnanlands.
Á fimmtudag og föstudag:
Norðlæg átt. Dálítil væta með köflum, en þurrt og bjart að mestu sunnan- og vestanlands. Hiti breytist lítið.
Spá gerð: 01.07.2023 07:56. Gildir til: 08.07.2023 12:00.
