Samfylkingin og Framsóknarflokkurinn tapa mestu fylgi í nýjasta þjóðarpúlsi Gallup. Viðreisn og Flokkur fólksins bæta mestu fylgi við sig.
Fylgi Samfylkingarinnar minnkar um alls 3% samkvæmt nýjasta þjóðarpúlsi Gallup. Í síðustu könnun mældist flokkurinn með tæplega 30% fylgi en mælist nú með tæplega 27% fylgi og fengi 19 þingmenn.
Flokkurinn mældist síðast með svipað fylgi í mars árið 2023 og er þetta minnsta fylgi sem flokkurinn hefur mælst með síðan þá. Áfram mælist þó flokkurinn stærsti flokkurinn á Alþingi líkt og í síðustu könnunum.
Stuðningur við Framsóknarflokkinn minnkar einnig og fer úr 9,9% fylgi í 6,6% og lækkar því um 2,5%. og fengi flokkurinn 4 þingmenn.
Sjálfstæðisflokkurinn mælist með 18,5% stuðning og fengi 13 þingmenn.
Viðreisn mælist með 9,4% fylgi og Flokkur fólksins með 7,7% fylgi. Samkvæmt því fengi Viðreisn 6 þingmenn en Flokkur fólksins 5.
Miðflokkurinn bætir við sig einu prósenti og fer úr 13,5% í 14,5% og fengi 10 þingmenn miðað við það fylgi.
Píratar mælast með 8,8% fylgi og myndu fá 6 þingmenn.
Vinstri græn fara úr 3,3% í 4,0%. Flokkurinn fengi þó engan þingmann inn miðað við það. Sósíalistaflokkurinn sem mælist með 3,5% stuðning og fengi heldur ekki mann inn á þing.
Tæplega 28% þeirra sem svöruðu könnuninni sögðust styðja núverandi ríkisstjórn.
