Hugleiðingar veðurfræðings
Suður af Reykjanesi er víðáttumikil lægð og frá henni liggja skil að suðurströndinni. Það blæs því af austri eða norðaustri, yfirleitt er vindur á bilinu 10-18 m/s en að 23 m/s syðst og undir Vatnajökli. Á þeim svæðum eru gular viðvaranir í gildi vegna storms og rétt að vegfarendur hugi að aðstæðum, einkum þeir sem eru á faratækjum sem taka á sig mikinn vind. Suðaustan- og austantil verður ringing eða slydda en búast má við stöku skúr eða él í öðrum landshlutum. Hiti 2 til 7 stig en frost að 5 stigum inn til landsins norðan heiða.
Á morgun verður lægðin farin að nálgast vesturströnd Skotlands og þá má búast við norðaustan kalda eða stinningskalda og sums staðar allhvössum vindi. Áfram rigning eða slydda norðan- og austanlands og dálítil snjókoma á Vestfjörðum. Á Suður- og Vesturlandi verður hins vegar að mestu bjart og þurrt. Hiti breytist lítið. Spá gerð: 01.12.2025 06:25. Gildir til: 02.12.2025 00:00.
Veðurhorfur á landinu
Austan og norðaustan 13-20 m/s, hvassast syðst. Rigning eða slydda suðaustan- og austanlands, en lengst af úrkomulítið um landið vestanvert. Hiti 0 til 7 stig.
Norðaustan 8-15 á morgun. Snjókoma eða rigning með köflum, og samfelld úrkoma á Austfjörðum, en yfirleitt þurrt á Suður- og Vesturlandi. Heldur kólnandi.
Spá gerð: 01.12.2025 10:08. Gildir til: 03.12.2025 00:00.
Veðurhorfur á landinu næstu daga
Á miðvikudag:
Norðaustan 8-15 m/s, hvassast suðaustantil. Víða él, en bjart með köflum á Suður- og Vesturlandi. Hiti um eða undir frostmarki.
Á fimmtudag:
Norðaustan 5-13 og snjókoma eða slydda með köflum, en yfirleitt þurrt um landið suðvestanvert. Hiti breytist lítið.
Á föstudag og laugardag:
Norðaustan og norðan 5-13 og skúrir eða él, en þurrt að mestu sunnan heiða. Hiti um eða yfir frostmarki.
Á sunnudag:
Snýst í austlæga átt og hlýnar með lítilsháttar vætu.
Spá gerð: 01.12.2025 08:31. Gildir til: 08.12.2025 12:00.
