,,Sóttvarnarlæknir og almannavarnardeild ríkislögreglustjóra standa í ströngu þessa dagana. Lýst hefur verið yfir hættuástandi almannavarna vegna þess að greinst hafa einstaklingar með COVID-19 af völdum kóróna-veiru á Íslandi.“ Segir Svandís Svavarsdóttir heilbrigðisráðherra.
,,Heilbrigðiskerfið okkar sinnir þeim sem eru veikir og annast sýnatökur, rannsóknir og leiðbeiningar fyrir fólk í sóttkví. Nú er mikilvægast af öllu að við gætum vel að því að fara eftir leiðbeiningum og fyrirmælum og halda ró okkar. Gætum að almennu hreinlæti, handþvotti og sprittun og því að hnerra og hósta í olnbogabót eða einnota pappír.
Höldum snertingu í lágmarki, handaböndum og faðmlögum. Með samstilltu átaki höfum við möguleika á því að halda útbreiðslunni niðri og koma í veg fyrir að fleiri veikist.
Eins og landlæknir segir: Almannavarnir erum við sjálf.“ Segir Svandís Svavarsdóttir heilbrigðisráðherra um útbreiðslu Covid-19 veirunar í dag.
,,Höldum snertingu í lágmarki, handaböndum og faðmlögum''
Umræða
