Helstu tíðindi LRH frá tímabilinu 17:00 – 05:00. Þegar þetta er ritað eru fjórir aðilar sem gista í fangageymslu lögreglu Alls eru 54 mál skráð í kerfinu á umræddu tímabili. Eftirfarandi upptalning er því ekki tæmandi
Lögreglustöð 1 – Austurbær- Miðbær-Vesturbær-Seljarnarnes:
- Tilkynnt um þjófnað úr sundklefa. Málið í rannsókn.
- Tilkynnt um einstakling sofandi á stigagangi í hverfi 105. Aðilinn reyndist undir áhrifum og vísað burt.
- Ökumaður bifreiðar handtekinn vegna gruns um akstur undir áhrifum áfengis. Ökumaður handtekinn og fluttur á lögreglustöð og laus að blóðsýnatöku lokinni.
- Tilkynnt um nakinn aðila á gangi í hverfi 105. Þegar haft var uppi á aðilanum reyndist hann verulega ölvaður og gaf lögreglu ekki í té persónuupplýsingar. Aðilinn handtekinn og vistaður í fangaklefa.
- Almennt eftirlit.
Lögreglustöð 2 – Hafnarfjörður- Garðabær- Álftanes:
- Tilkynnt um umferðarslys í hverfi 220. Eignatjón, ekki slys á fólki.
- Tilkynnt um þjófnað í hverfi 221.
- Almennt eftirlit.
Lögreglustöð 3 – Kópavogur- Breiðholt:
- Tilkynnt um aðila fara inn í farþegasæti bifreiðar þegar eigandi bifreiðarinnar sat í ökumannssæti. Aðilinn varð svo árásargjarn gagnvart eiganda bifreiðarinnar og hrækti m.a í hár eiganda bifreiðarinnar. Aðilinn reyndist verulega ölvaður og vistaður í fangageymslu í þágu rannsóknar málsins.
- Almennt eftirlit.
Lögreglustöð 4 – Grafarvogur- Mosfellsbær- Árbær:
- Skráningarmerki tekin af fjórum bifreiðum þar sem þær voru óskoðaðar.
- Fjórir aðilar sektaðir fyrir að tala í farsíma undir stýri. Ökumenn bifreiðanna eiga von á sekt.
- Almennt eftirlit.
Umræða
