Helstu atriði úr dagbók lögreglu frá 17-05. Þegar þetta er ritað gista tíu aðilar í fangageymslu lögreglu. Alls eru 93 mál skráð í kerfinu á umræddu tímabili. Listinn er ekki tæmandi.
Lögreglustöð 1
- Tilkynnt um mann í annarlegu ástandi að kasta grjóti í átt að bifreiðum og vegfarendum. Manninum veitt tiltal og vísað á brott
- Aðstoð veitt við leigubílstjóra vegna farþega sem neitaði að greiða fargjald. Leyst án vandræða.
- Ökumaður stöðvaður vegna hraðaksturs en hann mældist á 108 km hraða þar sem hámarkshraði er 50 km/klst. Ökumaður sviptur ökuréttindum á staðnum.
- Þrír ökumenn handteknir fyrir akstur undir áhrifum ýmist áfengis eða ávana- og fíkniefna. Fluttir á lögreglustöð í viðeigandi ferli.
Lögreglustöð 2
- Fimm ökumenn handteknir grunaður um akstur undir áhrifum ýmist áfengis- eða ávana- og fíkniefna. Fluttir á lögreglustöð í viðeigandi ferli.
- Tilkynnt um grunsamlegar mannaferðir. Fundust ekki við leit.
- Tilkynnt um slagsmál milli tveggja aðila. Reyndust vera nágrannaerjur þar sem á endanum sauð með öllu upp úr. Málið í rannsókn.
Lögreglustöð 3
- Almennt eftirlit og aðstoð við borgarann.
Lögreglustöð 4
- Tilkynnt um líkamsárás. Málið í rannsókn.
- Lögreglumenn við eftirlit veittu bifreið athygli þar sem henni var ekið nokkuð yfir hámarkshraða. Ökumaður sinnti ekki stöðvunarmerkjum og gerði tilraun til að flýja lögreglu svo upp hófst stutt eftirför. Ökumaður víðáttuölvaður og gat með engu móti gert grein fyrir sér. Handtekinn og vistaður í fangaklefa í þágu rannsóknar málsins.
Umræða
