Sveitarstjórnarkosningar 2022

Á félagsfundi Árnesingadeildar Miðflokksins í gærkvöld var samþykkt að bjóða fram til sveitarstjórnar í Svf. Árborg í vor ásamt Sjálfstæðum íbúum sveitarfélagsins undir merkjum M-listans og Sjálfstæðra.

Það hefur engum dulist þau umskipti sem hafa orðið á Svf. Árborg á undanförnum fjórum árum, hvort sem litið er til þjónustu eða uppbyggingar innviða í tíð núverandi meirihluta bæjarstjórnar sem M-listinn er aðili að. Á þeirri vinnu viljum við áfram byggja.

Ef þú hefur áhuga á því að halda áfram á þeirri vegferð með okkur, að gera Svf. Árborg að enn betri stað til að búa á og hefur áhuga á að hafa áhrif á stefnu- og framboðsmál M-listans og Sjálfstæðra í Svf. Árborg fyrir sveitarstjórnarkosningarnar í vor, þá endilega hafðu samband við Tómas Ellert Tómasson bæjarfulltrúa M-listans á netfangið: tomas.ellert@arborg.is eða í síma 853 8 358.

Mótum framtíðina saman.

Fyrir hönd M-listans og Sjálfstæðra,

Tómas Ellert Tómasson, verkfræðingur, bæjarfulltrúi, bæjarráðsmaður og formaður Eigna- og veitunefndar Svf. Árborgar.