Gjaldþrotabeiðnir og innheimtumál hrúgast upp
,,Svo virðist sem Sigmundur Davíð hafi haft rétt fyrir sér þegar hann var í viðtali fyrir viku síðan, því margar af þessum aðgerðum hafa ekki enn litið dagsins ljós síðan í mars og nú er maí byrjaður. Gjaldþrotabeiðnir og innheimtumál hrúgast upp hjá fólki og fyrirtækjum,“ að sögn heimildarmanns Fréttatímans. ,,Eigendur fyrirtækja eru svartsýnir á að aðgerðarpakkar ríkisstjórnarinnar nái að bjarga þeim, vegna seinagangs hjá bákninu.
Ef ríkisstjórnin væri björgunarsveit og ætti að bjarga mannslífum í háska, væru allir steindauðir áður en hún kæmist á vettvang, vegna þess að það þyrfti að halda svo marga fundi og búa til svo mörg excelskjöl í bákninu. Ríkisstjórnin ætti að reyna að læra hvernig alvöru björgunarsveitir vinna, þar er öllum bjargað en ekki handvalið hverjum eigi að bjarga og hverjum ekki með tilheyrandi töfum. Hér er greinin sem ég vitnaði í:“
,,Fyrirtækin farin í þrot og fólk búið að missa vinnuna þegar ríkisstjórnin bregst við“
Við munum samþykkja allt sem er til úrbóta fyrir samfélagið
Sigmundur Davíð Gunnlaugsson, formaður Miðflokksins var í viðtali hjá Helga Má Péturssyni í Víglínunni á stöð tvö fyrir viku síðan. Þar sagði hann að flóknar aðgerðir og stærstu hugmyndir ríkisstjórnarinnar í fyrsta pakkanum sem voru brúarlán, hafi verið allt of flókin útfærsla og núna, einum og hálfum mánuði seinna, hefur ekkert gerst. Ekkert. Það sé verið að flækja allar aðgerðir með aðkomu ýmissa stofnana og fræðinga þegar í raun mætti engan tíma missa. 
Við nálgumst nú næstu mánaðarmót og ekki hefur verið brugðist við vandanum hjá ferðaþjónustunni, þar eru fyrirtæki sem horfa fram á hrun í tekjum og það á að vera hægt að leyfa þeim að leggjast í dvala. Frysta afborganir og losa þau við fasteignagjöld og fleira og ríkið að á að nota bankana til að koma þessum fyrirtækjum í skjól.
Hinn kosturinn er sá að öllu starfsfólki verði sagt upp og fyrirtækin fari í þrot. Efnahagslega niðursveiflan nú verður sú mesta í 100 eða jafnvel 200 ár.
Fyrirtækin verða farin í þrot og fólk búið að missa vinnuna þegar ríkisstjórnin verður loksins búið að klára aðgerðapakkana. Við höfum ekki tíma í mjög flóknar útfærslur og handvelja hvaða fyrirtæki eiga að lifa og hver eigi að deyja. Áríðandi er að fólk missi ekki allt sitt, fyrirtækin og aleiguna sem bankarnir hirði svo af fólkinu á hrakvirði.
Það gangi ekki að hangsa með að taka ákvarðanir og forsætisráðherra ætti ekki að sitja hjá, heldur ættu hann og fjármálaráðherra að ákveða aðgerðir saman. Ekki ætti að búa til pakka þar sem hver ráðherra og hinir og þessir fái fjármagn í ákveðin sérvali verlefni sem nýtast ekki öllum heldur útvöldum.
Þá sagði hann að það væri ekki valkostur að Icelandair hætti starfsemi. ,,Mér finnst umræðan um Icelandair vera undarleg og fyrirtækið er í úlfakreppu þar sem ríkið vill ekki standa með félaginu vegna þess að það vill fyrst sjá að hluthafarnir hækki hlutaféið“
,,Við munum samþykkja allt sem er til úrbóta fyrir samfélagið en samvinna á Alþingi á að virka í báðar áttir eins og orðið ber með sér en ríkisstjórnin hefur fellt allar góðar tillögur sem hafa komið frá stjórnarandstöðunni sem er bagalegt. Því við verðum að standa saman á þessum tímum sem nú eru.“ Sagði Sigmundur Davíð Gunnlaugsson, formaður Miðflokksins að lokum.
