Guðrún Björk Kristmundsdóttir, eigandi Bæjarins beztu, er látin

Guðrún Björk Kristmundsdóttir, eigandi Bæjarins beztu, er látin, 63 ára að aldri

Greint er frá andlátinu í Morgunblaðinu í morgun en Guðrún andaðist á gjörgæsludeild Landspítalans við Hringbraut fyrsta dag septembermánaðar eftir erfið veikindi.

Guðrún fædd­ist í Reykja­vík hinn 21. fe­brú­ar 1962 og var alla tíð mik­ill Vest­ur­bæ­ing­ur og trygg­ur KR-ing­ur. For­eldr­ar Guðrún­ar voru þau Sig­ríður Júlí­us­dótt­ir og Krist­mund­ur Elí Jóns­son og var Guðrún þriðja í röð fjög­urra systra, hinar eru Sig­ríður Dúna, Krist­björg Elín og Júlía Hrafn­hild­ur Krist­munds­dæt­ur.

Guðrún gift­ist Hall­dóri Garðari Björns­syni 1986 og eignuðust þau son­inn Bald­ur Inga 1985. Guðrún og Hall­dór skildu.

Guðrún var áber­andi í ís­lensku viðskipta­lífi þar sem hún stýrði einu þekkt­asta fyr­ir­tæki lands­ins um ára­bil, Bæj­ar­ins beztu pyls­um. Afi henn­ar, Jón Sveins­son, var einn þeirra sem hófu rekst­ur pylsu­vagns­ins árið 1937 en faðir Guðrún­ar tók ung­ur við þeim rekstri og sá um hann í ára­tugi. Guðrún var því af þriðju kyn­slóð pylsu­sala og í henn­ar tíð stækkaði fyr­ir­tækið mikið og sölu­stöðum fjölgaði.

Fjórða kyn­slóðin er nú tek­in við rekstr­in­um eft­ir að Bald­ur Ingi tók við stjórn­inni af móður sinni. Þá hafa Bæj­ar­ins beztu um ára­tuga­skeið verið helsti bak­hjarl körfu­bolta­deild­ar KR sem Guðrún stýrði um tíma sem formaður. Þá hef­ur hún setið í aðal­stjórn KR um ára­bil og í stjórn Körfuknatt­leiks­sam­bands Íslands (KKÍ).

Frá unga aldri stundaði Guðrún laxveiðar af ákefð og þá helst í Grímsá í Borg­ar­f­irði þar sem fjöl­skyld­an þekkti vel til.

Auk son­ar­ins Bald­urs Inga læt­ur Guðrún eft­ir sig sam­býl­is­mann, Jón­as Björn Björns­son, tvö stjúp­börn, Guðjón og Helgu Björgu, og þrjú barna­börn.