Fyrirtaka verður í fyrsta meiðyrðamáli tónlistarmannsins Ingólfs Þórarinssonar, Ingó veðurguðs, á föstudag. Það er höfðað gegn Sindra Þór Hilmari-Sigríðarsyni. Alls fengu fimm kröfubréf frá Ingólfi þar sem viðkomandi voru krafðir um afsökunarbeiðni og samtals fjórtán milljónir vegna ummæla á netinu eða fréttaskrifa.
Þeir voru sagðir hafa látið falla ásakanir um refsiverða háttsemi „og þar með ærumeiðandi aðdróttanir, annaðhvort á samfélagsmiðlum eða í fréttum sem birtust í fjölmiðlum.“
Fjórar konur fengu einnig kröfubréf vegna ummæla sinna um Ingólf en það voru þær Erla Dóra Magnúsdóttir, blaðamaður á DV. Edda Falak, Ólöf Tara Harðardóttir og Kristlín Dís Ingilínardóttir, blaðamaður á Fréttablaðinu. Nánar er fjallað um málið á vef rúv.is sem birti fréttina fyrst.
Umræða
