Ekkert ferðaveður á Suðurlandi

Ekkert ferðaveður er nú á Suðurlandi. Miklll vindur, ofankoma og stórhríð segir lögreglan á Suðurlandi.
Björgunarsveitir hafa staðið í ströngu í nótt og morgun við að aðstoða vegfarendur sem lent hafa í vandræðum sem og við að koma heilbrigðisstarfsfólki og viðbragðsaðilum til og frá vinnu.
Lögregla biðlar til fólks að vera ekki á ferðinni þar sem mjög þungfært, og víða ófært, er innan þéttbýlis.

Mjög illa gengur að halda götum á Selfossi opnum vegna mikillar umferðar þar um, við viljum því biðja fólk um að vera ekki á ferðinni um Selfoss nema brýna nauðsyn sé þar sem snjóruðningstæki komast ekki um göturnar.
Upplýsingar um færð má finna inn á vef vegagerdarinnar: vegagerdin.is