Með markvissri aðgerðaáætlun og innleiðingu á nýju verklagi tókst Svefnmiðstöð Landspítala á liðnu ári að stytta bið einstaklinga eftir meðferð við kæfisvefni úr sjö mánuðum í einn. Biðtíminn er nú innan þjónustumarkmiða. Tölur benda einnig til þess að meðferðarheldni þeirra sem hefja meðferð hafi aukist umtalsvert, eða um 20% á milli ára.
Fjallað er um árangur Svefnmiðstöðvarinnar í tilkynningu á vef Landspítala. Þar kemur einnig fram að áfram verði unnið að umbótum í starfseminni til að efla og bæta þjónustuna. Nú sé unnið að gerð stuttra fræðslumyndbanda til að undirbúa einstaklinga betur áður en eiginleg meðferð hefst. Einnig standi til að breyta og einfalda skráningarvinnu og nýta betur ýmsar tæknilausnir, t.d. við tímabókanir o.fl.
Umræða
