Hvar finn ég besta húsnæðislánið? – Reiknivél

Ráðleggur fólki að hætta með bankalánið og taka lífeyrissjóðslán
Vilhjálmur Bjarnason, (ekki fjárfestir) sem er fasteignasali og meðlimur í Hagsmunasamtökum Heimilanna. Ráðleggur fólki að taka lán hjá lífeyrissjóðunum eða endurfjármagna óhagstæðari fasteignalán sem að það kann að hafa hjá bönkunum.
Vilhjálmur birtir einnig vefsíðu sem að hægt er að finna hér að neðan sem að sýnir fólki hvar það fær bestu kjörin en skv. henni getur fólk sparað milljónir til langs tíma með því að velja besta lánveitandann og rétta lánið. Notið reiknivélina og sjáið muninn!
,,Sem fasteignasali til 27 ára og starfandi innan Hagsmunasamtaka heimilanna undanfarin tíu ár vil ég segja eftirfarandi:
Lífeyrissjóðslánin eru miklu ódýrari en bankalánin og svo ertu líka laus við bankann.
Þið eigið lánsrétt í nánast öllum lífeyrissjóðum sem þið hafið borgað í á allri starfsævinni og þá er bara að velja þann sem er með bestu vextina.
Varðandi hvort það á að taka verðtryggt eða óverðtryggt þá er fyrst að segja að það eru í raun engin óverðtryggð lán til.
Munurinn á óverðtryggðu og verðtryggðu er annars vegar að þú staðgreiðir verðbólguna / verðtrygginguna í svokölluðum óverðtryggðum lánum á meðan þú færð verðtrygginguna / verðbólguna lánaða inn í lánið um hver mánaðarmót í svokölluðum verðtryggðum lánum.

Svo eru það breytilegir eða fastir vextir, til langs tíma í eðlilegu árferði þá eru breytilegir vextir alltaf um 0,5 % lægri en fastir vextir því breytileikinn gerir þeim kleyft að fylgja verðbólgunni / verðtryggingunni eftir á meðan fastir vextir þurfa alltaf að gera ráð fyrir að þola það að vera stundum yfir og stundum undir en lánastofnuni sér samt alltaf um að það sé að minnsta kosti um 0,5 % yfir vöxtum breytilegra lána.

Þannig að eins mikið og ég hata verðtryggingu á lánum heimilanna á íslandi þá er ég að ráðleggja fólki að taka verðtryggt lán með breytilegum vöxtum á meðan ég er ekki búinn að koma verðrtryggingunni fyrir kattarnef.

Flest unga fólkið okkar getur ekki tekið önnur lán en verðtryggð til að eiga möguleika á að eignast húsnæði þannig að valkostur þeirra er í raun enginn.

En ég ráðlegg líka þeim sem hafa meiri greiðslugetu til að taka þessu sömu verðtryggðu lán með breytilegum vöxtum en þeir aðilar geta þá í raun notið lægri vaxtanna sem eru á verðtryggðu breytilegu vöxtunum og borgað inn á þau lán um hver mánaðarmót sem nemur að minnsta kosti því sem hefði safnast á lánið um hver mánaðarmót vegna verðtryggingarinnar.

Þar fyrir utan vil ég benda þeim á sem þurfa hærri lánaprósentu en Lífeyrissjóðirnir bjóða upp á að hægt er að taka lán frá Framtíðinni lánasjóð ofan á lífeyrissjóðslánin upp í 85 % fyrir þá sem hafa átt eign áður og allt upp í 90 % fyrir fyrstu kaupendur.
Að taka lífeyrissjóðslán á fyrstu veðréttina og Framtíðina á eftir er miklu ódýrara en taka bankalán upp í sömu prósentu og svo á að leggja allan metnaðinn í að greiða sem fyrst niður Framtíðarlánið með því að greiða t.d. allar aukagreiðslur inn á það lán þangað til það er búið.

Ef þið þurfið einhverja hjálp eða nánari upplýsingar þá er ykkur velkomið að senda mér póst á villi@vbeignir.is eða hringja í mig í 822-8183.
Svo þegar þið eruð búin að taka nýtt lán eða endurfjármagna gömlu bankalánin hjá einhverjum lífeyrissjóðnum og laus undan bankanum „þínum“ þá er tilvalið að færa bankaviðskiptin ykkar yfir í Sparisjóður Suður-Þingeyinga sem er í raun samfélagsbanki eins og þeir gerast bestir.“
Hér er reiknivél sem að sýnir munin á fasteignalánum á Íslandi í dag: Herborg.is – Fasteignalán