Kona um þrítugt var þann 13 apríl í Héraðsdómi Reykjaness úrskurðuð í gæsluvarðhald til miðvikudagsins 16. apríl og svo tiul 7.maí á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á mannsláti í umdæminu. Gæsluvarðhaldið yfir konunni hefur verið framlengt um fjórar vikur, eða til 3. júní. Nú á grundvelli almannahagsmuna.
Það var snemma á föstudagsmorgun í byrjun apríl sem lögreglu barst tilkynning um meðvitundarlausan karlmann í heimahúsi á höfuðborgarsvæðinu.
Viðbragðsaðilar héldu strax á staðinn, en karlmaðurinn var þungt haldinn þegar að var komið. Hann var fluttur á slysadeild og lést þar síðar um daginn. Konan, sem er í gæsluvarðhaldi, var handtekin í fyrrnefndu húsi.
Ekki er unnt að veita frekari upplýsingar um málið að svo stöddu.
Umræða
