Dagur B. Eggertsson, þingmaður Samfylkingarinnar, sagði í ræðu í gær að Alþingi hefði mistekist að tryggja almenningi sinn hlut í auðlind þjóðarinnar. Fiskveiðiauðlindinni sem er þjóðareign sem þjóðin úthlutar einu sinni á ári til skipa til afnota, án þess að vera skuldbundin því að úthluta ítrekað til sömu skipa árlega. Líkt og ákveðið var að úthluta strandveiðbátum aðeins 48 daga í ár. Útgerðir þurfa að sækja um veiðileyfi árlega til strandveiða, heyrst hefur að slíkt fyrirkomulag verði einnig sett á varðandi aðrar útgerðir í kvótakerfinu og ákveður ríkið þá hvort og hverjir fái kvóta og hvaða magn.
Þjóðin á auðlindina og Alþingi hefur mistekis
„Þjóðin á auðlindina og Alþingi hefur mistekist að tryggja henni eðlilegan hlut af þeim mikla hagnaði, auðlindarrentu eins og það er kallað. Það hefur verið tala um að sátt takist um það að þjóðin fái þriðjung en útgerðin tvo þriðju. Það er ekki einu sinni jafnskipt,“ segir Dagur en rætt var við hann í kvöldfréttum Stöðvar 2 í gærkvöld.
Þjóðin (eigandinn) fær bara helming af þeim þriðjungi sem gert er ráð fyrir að hún eigi að fá fyrir afnotin – Kvótakerfið hefur lagt sjávarpláss í rúst og innviðir hafa grotnað niður á Íslandi á sama tíma
Hann segir staðreyndina þá að þegar horft er tíu ár aftur í tímann hafi þjóðin bara helming af þeim þriðjungi sem gert er ráð fyrir að hún eigi að fá frá útgerðinni fyrir afnotin.
„Á sama tíma og byggðirnar hafa liðið fyrir, á sama tíma og innviðirnir út um land hafa þurft á innspýtingu að halda. Þannig núna leiðréttum við þetta. Við leiðréttum veiðigjöldin. Við tryggjum að þjóðin fái meiri hlut af auðlindarentunni, eðlilegan hlut, og við höldum síðan áfram og förum að fjárfesta í samgöngum um land allt.“
Fiskifræðingur segir kvótakerfið algerlega brugðist og lagt landsbyggðina í rúst
