,,Vaxandi suðlæg átt í dag og fer að rigna um landið vestanvert, hlýnar einnig. Svalari, þurrt og hægur vindur austantil. Hvessir síðan af suðvestri í kvöld og nótt, hvassviðri eða stormur fyrir norðan á morgun en hægari vindur syðra. Hlýtt í veðri og við svona aðstæður getur hitinn orðið ansi góður ef allt gengur upp með að ná honum niður á láglendi úr háloftunum eða jafnvel yfir 20 stig, en hlýjast verður á Austfjörðum enda verður hlýjast hlémegin fjalla. Það verður samt að teljast frekar ólíklegt og tölur á bilinu 10 til 15 stig eru líklegri. Dregur síðan úr vindi eftir morgundaginn og kólnar. Það á eftir taka við dagar með svalari umhleypingum og bendir margt til þess að um og eftir helgi verði dagar vetrarlegri en þeir hafa verið að undanförnu.“ Segir veðurfræðingur á Veðurstofu Íslands.
Spá gerð: 08.01.2019 06:30. Gildir til: 09.01.2019 00:00.
Veðurhorfur á höfuðborgarsvæðinu
Gengur í suðaustan 8-15 m/s með rigningu, en lægir seint í kvöld. Suðvestan 10-18 og rigning með köflum á morgun. Hiti 2 til 7 stig.
Spá gerð: 08.01.2019 10:05. Gildir til: 10.01.2019 00:00.
Veðurhorfur á landinu
Vaxandi suðaustanátt, 10-20 m/s og rigning síðdegis, hvassast á Snæfellsnesi, en hægari og úrkomulaust að kalla N- og A-lands. Hlýnandi veður, hiti 1 til 9 stig um kvöldið, hlýjast syðst.
Snýst í suðvestanátt í nótt, 18-25 m/s á norðanverðu landinu á morgun, hvassast á Ströndum og Tröllaskaga, en mun hægari syðra. Rigning á vestanverðu landinu, en þurrt að kalla eystra. Styttir upp og kólnar á Vestfjörðum seint annað kvöld. Hiti 5 til 14 stig, hlýjast á Austfjörðum.
Spá gerð: 08.01.2019 10:15. Gildir til: 10.01.2019 00:00.
Veðurhorfur á landinu næstu daga
Á fimmtudag:
Vestan 18-23 m/s úti við N-ströndina um morguninn, en lægir síðan smám saman og rofar til. Mun hægari vindur og rigning eða slydda með köflum SV-til, en styttir upp seinni partinn. Hvöss vestanátt og þurrt fyrir austan, en lægir síðdegis. Frost víða 0 til 5 stig, en hiti 1 til 5 stig syðst.
Á föstudag:
Gengur í sunnan og suðaustan 10-18 m/s með slyddu eða rigningu, en lengst af þurrt fyrir austan. Hlýnar í veðri og hiti 1 til 6 stig seinni partinn.
Á laugardag:
Útlit fyrir allhvassa vinda og fremur svalt veður á landinu, snjókomu N-til, en slyddu eða rigningu syðra.
Á sunnudag:
Útlit fyrir norðanátt með éljum og kólnandi veður, en yfirleitt léttskýjað S- og V-lands.
Á mánudag:
Gengur líklega í hvassa suðaustanátt með úrkomu víða á landinu, einkum S- og V-lands. Áfram svalt veður.
Spá gerð: 08.01.2019 08:06. Gildir til: 15.01.2019 12:00.