Kólnandi veður og frystir í kvöld

Í dag verður suðaustan strekkingur framan af degi vestanlands og jafnvel hvassviðri á norðanverðu Snæfellsnesi. Í öðrum landshlutum verður vindur hægari. Éljagangur verður víðast hvar, en þurrt að kalla á Norðurlandi. Hægt kólnandi veður og hitatölur orðnar neðan frostmarks í kvöld. Á morgun er síðan von á að það verði hæglætisveður en norðan strekkingur norðvestantil á landinu. Einhver él verða með norður- og suðurströndinni en annars úrkomulítið. Norðlægar áttir verða síðan ríkjandi framan af vikunni með snjókomu norðantil en annars bjartviðri og kalt verður á öllu landinu.
Veðurhorfur á landinu
Sunnan og suðaustan 3-10 m/s, en 10-15 vestanlands og á Vestfjörðum og allt að 20 m/s á norðanverðu Snæfellsnesi framan af degi. Dregur úr vindi seinnipartinn og í kvöld. Él eða slydduél, en bjartviðri og þurrt að kalla norðanlands. Hiti víðast hvar um og undir frostmarki, en 2 til 4 stig með suðurströndinni. Norðan og norðaustan 8-15 m/s norðvestantil á landinu í fyrramálið, en hæg breytileg átt annarsstaðar. Éljagangur með norður- og suðurströndinni en annars víða bjart. Frost 0 til 8 stig, kaldast norðanlands. Vaxandi norðanátt með snjókomu nyrst á landinu annað kvöld.
Veðurhorfur á landinu næstu daga
Á mánudag:
Gengur í norðan 13-23 m/s V-lands, en mun hægari fyrir austan. Snjókoma eða él á norðanverðu landinu, en þurrt sunnan heiða. Frost víða 0 til 8 stig, kaldast .
Á þriðjudag:
Norðan 5-13 m/s. Él á N- og A-landi, en skýjað með köflum og þurrt S- og V-lands. Kólnandi.
Á miðvikudag:
Norðlæg átt, 3-10 m/s, hvassast við NA-ströndina. Dálítil él fyrir norðan, en bjart víða syðra. Talsvert frost á landinu.
Á fimmtudag:
Suðlæg átt, 3-10 og dálítil snjókoma V-lands, en norðvestlæg átt, 3-10 fyrir austan og dálítil él við NA-hornið, en bjart SA-lands. Minnkandi frost V-lands, en annars talsvert frost.
Á föstudag:
Útlit fyrir suðaustan storm með snjókomu og slyddu og síðar rigningu, en þurrt lengst af NA-lands. Hlánar á landinu.
Spá gerð: 08.02.2020 08:27. Gildir til: 15.02.2020 12:00.