Bílatrygging á Íslandi kostar 150.000 kr. en 34.672 kr. í nágrannalöndum

Fréttatíminn hefur fylgst vel með neytendamálum og mun halda því áfram. Á dögunum birti FÍB sláandi tölur um verðmun á bifreiðatryggingum hér á landi miðað við verð í nágrannalöndunum sem við berum okkur saman við. Þar kom m.a. fram að með lækkandi slysatíðni þá hækkuðu iðgjöldin og ekkert samræmi væri í verðlagningu. Þá kom jafnframt fram að engin raunveruleg samkeppni væri á tryggingamarkaði á Íslandi. Hér að neðan er reynslusaga neytanda: 

Tryggingarnar í eitt ár á Íslandi

,,Ég á svona bíl Reno árgerð 2018. Sem er nú ekki stórt mál. það kostar 150.000. kr að tryggja hann hér á landi. Undirvagn er ekki tryggður í kaskói á Islandi.

Í Svíþjóð kostar sami bíll í tryggingu al kaskó þá er undirvagn tryggður 2.585 kr sænskar sem er 40.067 kr íslenskar.

Í Englandi kostar sami bíll í tryggingu sem er Alkaskó líka og undirvagn er tryggður 197 pund sem er 34.672.

Þetta væri nú eitthvað fyrir Verkalýðshreyfinguna að skoða fyrir sína umbjóðendur. Á Norðurlöndum býður Alþýðusambandið á Norðurlöndunum út allar tryggingar fyrir sína félagsmenn. Okkur mundi muna um svoleiðis gjörning hér á landi. Eldri borgarar á Íslandi ættu að skoða þetta hvað ætli við eldri borgarar eigum marga bíla það væri góður pakki til að bjóða út. Deilið fyrir okkur.”

Bílatryggingar eru 50 til 100% dýrari hér en á hinum Norðurlöndunum