• Auglýsingar
  • Fréttaskot
  • Hafa samband
  • Login
Laugardagur, 3. júní 2023
FRÉTTATÍMINN
  • Forsíða
  • Innlent
  • Erlent
  • Viðskipti
  • Aðsent & greinar
  • Afþreying
  • Neytendur
  • Forsíða
  • Innlent
  • Erlent
  • Viðskipti
  • Aðsent & greinar
  • Afþreying
  • Neytendur
No Result
View All Result
Frettatiminn
No Result
View All Result

Keilir mikilvæg menntastofnun sem aldrei fyrr

ritstjorn by ritstjorn
8. apríl 2020
in Ferðaþjónusta, Innlent
0
Share on FacebookShare on Twitter

Ríkið hefur í gegnum árin lagt mun minna til rekstur skólans en til sambærilegra skóla

Keilir mikilvæg menntastofnun sem aldrei fyrr
Margrét Þórarinsdóttir, bæjarfulltrúi Miðflokksins í Reykjanesbæ

Rannsóknir hafa sýnt að grunnskólamenntaðir eru í mestri hættu á atvinnuleysi sama hvernig árar í efnahagslífinu. Þegar efnahagsástand versnar eykst atvinnuleysi meðal þeirra hraðar en hjá þeim sem hafa meiri menntun. Í skarpri niðursveiflu eins og nú er skollin á vegna veirufaraldursins og atvinnuleysi eykst hratt eins og á Suðurnesjum er mikilvægt úrræði að geta boðið upp á nám sem hentar sem flestum. Þeir sem nýta sér það koma þá sterkari inn á vinnumarkaðinn þegar niðursveiflunni lýkur.
Keilir, Miðstöð vísinda, fræða og atvinnulífs á Ásbrú í Reykjanesbæ býður upp á nám fyrir einstaklinga sem hafa ekki lokið stúdentsprófi og geta nemendur að námi loknu sótt um háskólanám hérlendis og erlendis. Keilir er eini skólinn sem býður upp á aðfaranám í samstarfi við Háskóla Íslands og gildir námið til inntöku í allar deildir HÍ. Hér er því verið að skapa nemendum dýrmætt tækifæri til að hefja háskólanám.
Það er mikilvægt að menntastofnun eins og Keilir, sem hefur að mörgu leyti verið leiðandi í kennsluháttum, sé vel í stakk búin að geta tekið við sem flestum nemendum þegar atvinnuleysi stefnir í allt að 20% á Suðurnesjum. Undanfarin misseri hefur Keilir glímt við fjárhagsörðugleika og er brýnt að mæta þeim vanda. Læra þarf af mistökum og greina ástæður skuldasöfnunar.
Fjárhagsleg endurskipulagning er hafin og verður ríkisvaldið að koma að þeirri vinnu. Miðflokkurinn ásamt stjórnarandstöðunni lagði til aukafjárveitingu til skólans í aukafjárlögum sem voru samþykkt á Alþingi fyrir skömmu. Tillagan fékk ekki brautargengi og var felld af ríkisstjórnarflokkunum, Vinstri-grænum, Sjálfstæðisflokki og Framsókn. Voru það enn ein vonbrigðin fyrir Suðurnesin. Nú þegar tekjur sveitarfélaganna dragast hratt saman og útgjöld aukast vegna atvinnuleysis hafa sveitarfélögin á Suðurnesjum takmarkaða getu til þess að koma að fjárhagslegri endurskipulagningu Keilis eins og óskað hefur verið eftir. Enda ekki alveg ljóst hvort að þær hugmyndir sem lagðar hafa verið fram samræmist lögbundnu hlutverki sveitarfélaga.
Ríkið hefur í gegnum árin lagt mun minna til rekstur skólans en til sambærilegra skóla t.d. á höfuðborgasvæðinu. Nú kallar atvinnuástandið á Suðurnesjum á að hér verði látið staðar numið og ríkið skapi Keili sömu rekstrarforsendur og sambærilegir skólar njóta. Komið er nóg af fögrum fyrirheitum ríkisvaldsins til Suðurnesja án innistæðu. Keilir er mikilvæg menntastofnun sem aldrei fyrr.
Höfundur:  Margrét Þórarinsdóttir, bæjarfulltrúi Miðflokksins í Reykjanesbæ

  • ,,Þess vegna sit ég hér og bölva“

    ,,Þess vegna sit ég hér og bölva“

    0 shares
    Share 0 Tweet 0
  • Bjartviðri og allt að 20 stiga hiti

    0 shares
    Share 0 Tweet 0
  • Ný gögn í Madeleine McCann málinu

    0 shares
    Share 0 Tweet 0
  • Björguðu sex manns úr vatni

    0 shares
    Share 0 Tweet 0
  • Mótmæli við Alþingi – ,,Vanhæf ríkisstjórn“

    0 shares
    Share 0 Tweet 0
ADVERTISEMENT

Fréttatíminn © 2023

No Result
View All Result
  • Home
  • Landing Page
  • Buy JNews
  • Support Forum
  • Contact Us

Fréttatíminn © 2023

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
Are you sure want to unlock this post?
Unlock left : 0
Are you sure want to cancel subscription?