Éljagangur á norðaustanverðu landinu og hitinn nálægt frostmarki

Hugleiðingar veðurfræðings
Víða norðan og norðaustan 5-13 m/s í dag. Það verður heldur vetrarlegt um að litast á norðaustanverðu landinu, en þar verður éljagangur fram eftir degi, og hitinn nálægt frostmarki. Það verður hins vegar bjart og fallegt veður á suðvestur- og vesturlandi, og hiti á bilinu 4 til 9 stig yfir hádaginn. Síðdegis þykknar upp syðst á landinu með skúrum eða éljum, en jafnframt styttir upp að mestu fyrir norðan. Víða hæg norðlæg átt á morgun. Skýjað með köflum og stöku él um landið norðan- og austanvert, en áfram bjart vestantil. Snýst í suðlæga átt undir kvöld og léttir til norðanlands. Spá gerð: 08.05.2020 06:30. Gildir til: 09.05.2020 00:00.
Veðuryfirlit
Við V-strönd Noregs er 1003 mb lægð sem þokast A, en frá henni liggur lægardrag til V. Langt suður í hafi er allvíðáttumikil 999 mb lægð sem hreyfist lítið. Yfir N-Grænlandi er kyrrstæð 1037 mb hæð.
Samantekt gerð: 08.05.2020 07:21.
Veðurhorfur á landinu
Norðan og norðaustan 5-13 m/s í dag. Dálítil él um landið norðaustanvert, en yfirleitt léttskýjað suðvestan- og vestanlands. Þykknar upp syðst á landinu með skúrum eða éljum seinnipartinn, en styttir upp að mestu fyrir norðan. Hiti nálægt frostmarki norðaustantil, en 4 til 9 stig yfir daginn sunnan heiða. Lægir í kvöld.
Víða hæg norðlæg átt á morgun. Skýjað með köflum og stöku él, en áfram bjart vestantil. Suðlægari síðdegis og léttir til norðanlands.
Spá gerð: 08.05.2020 05:09. Gildir til: 09.05.2020 00:00.
Veðurhorfur á höfuðborgarsvæðinu
Norðaustan 3-10 m/s og léttskýjað. Lægir í nótt, en snýst í hæga suðlæga átt og þykknar heldur upp annað kvöld. Hiti 4 til 9 stig að deginum.
Spá gerð: 08.05.2020 05:16. Gildir til: 09.05.2020 00:00.
Veðurhorfur á landinu næstu daga
Á sunnudag:
Vestan og suðvestan 5-13 m/s. Skýjað með köflum sunnan- og vestantil, en annars bjartviðri. Hlýnandi, hiti 4 til 9 stig síðdegis. Þykknar upp með dálitlum skúrum eða éljum við norðurströndina um kvöldið.
Á mánudag:
Vestlæg átt og skýjað. Rigning eða súld norðvestantil, en dálítil él norðaustantil. Hiti 4 til 9 stig, en nálægt frostmarki um landið norðaustanvert.
Á þriðjudag:
Vestan gola, skýjað og þurrt að kalla, en lítilsháttar él við austurströndina. Hiti breytist lítið.
Á miðvikudag:
Vestlæg átt og skýjað. Dálítil súld við norðurströndina en annars úrkomulítið. Hiti 5 til 11 stig.
Á fimmtudag:
Útlit fyrir fyrir suðvestanátt með lítilsháttar vætu um mest allt land.
Spá gerð: 08.05.2020 08:20. Gildir til: 15.05.2020 12:00.