Banaslys varð í Vestari-Jökulsá í Skagafirði eftir hádegi í dag þegar erlendur ferðamaður féll í ána. Í tilkynningu frá Lögreglunni á Norðurlandi vestra segir að tilkynning hafi borist í gegnum Neyðarlínuna skömmu fyrir klukkan eitt.
Lögregla, læknir, sjúkralið og björgunarsveitir fóru á vettvang auk þess sem óskað var eftir aðstoð þyrlu Landhelgisgæslunar.
Í tilkynningu lögreglunnar segir að tilraunir til endurlífgunar hafi ekki borið árangur og var maðurinn úrskurðaður látinn.
Tildrög slyssins eru til rannsóknar hjá lögreglunni.
.
Umræða
