Meðlimir Frjálslynda lýðræðisflokksins eru æfir af reiði yfir þeirri meðferð sem sumir fjölmiðlar hafa notað gegn flokknum, þ.e. þeir hafa beitt flokkinn þöggun sem er eitt afbrigði ofbeldis og eineltis. Dropinn sem fyllti mælinn er að ASÍ hefur gengið til liðs við hina ríkisvæddu einkafjölmiðla í eineltinu gagnvart flokknum.
Aumasti foringi verkafólks og alþýðu frá upphafi
Bæði Glúmur Baldvinsson og Sigurlaug Gísladóttir oddvitar flokksins hafa fengið nóg og Glúmur skrifar: ASÍ boði til fundar með framboðsflokkunum. En hvaða flokki er ekki boðið, Frjálslynda lýðræðislflokknum. Afi minn Hannibal var foseti Así í tuttugu ár og barðist gegn auðvaldinu. Drífa arftaki hans í starfi segir mér ekki boðið af því öll skoðunarkannannafyrirtæki Íslands í eigu hinna auðugu hafa ekki leyft okkur að vera með. Sýnir þetta ekki svart á hvítu að forseti ASÍ frú Drífa lætur auðvaldið ráða sér? Foringi verkalýðsins. Aumasti foringi verkafólks og alþýðu frá upphafi. Þá segir Sigurlaug Gísladóttir:
Þegar ASÍ af öllum aðilum tekur þátt í þeirri þöggun sem ríkir um Frjálslynda Lýðræðisflokkinn er manni eiginlega öllum lokið.
Við fáum ekki að vera með í skoðanakönnunum og því mælumst við ekki inni á skalanum, og af því við mælumst ekki inni, þá fáum við ekki tækifæri til að kynna okkur á öllum vígstöðum.
Erum einfaldlega útilokuð og höfum ekkert fjármagn til að breyta því
Stjórnarskrárfélagið lét ekki svo mikið sem að skoða okkar stefnu í þeim málum þegar það kynnti fyrir fólki hverjir legðu áherslu á nýja stjórnarskrá.
Nemar sem gerðu gæðakönnun á flokkunum vegna loftslagsmála tóku okkur heldur ekki með svo lítið var að marka þeirra vinnu nema að litlu leiti.
Maður fer eðlilega að velta fyrir sér hver sé ástæðan?
Þegar ég svo skoða hér á fésbókinni hina svokölluðu kosningavita, en merkilegt nokk þar fengum við að setja inn okkar svör, að þá er samhljómur þeirra sem hafa tekið þátt í henni við okkar stefnu mjög mikill. Þessi próf eru að segja fólki að það sé sammála okkur frá 23% og allt upp í 65 % sem mér finnst benda til að þjóðin þurfi svo sannarlega að heyra meira frá okkur.
En við erum einfaldlega útilokuð og höfum ekkert fjármagn til að breyta því.
Ég vil hins vegar þakka N4 sjónvarpsstöð fyrir að gera ekki upp á milli framboða sem og Rás 2 sem sýnir lit.
Það er hins vegar sérstakt að Rúv sem á að teljast allra landsmanna skuli ekki vera með sjónvarpsútsendingu frá kjördæmunum, en við fáum þó að koma í útvarpið. Ég vil einnig þakka þeim skólum sem buðu mér á fund hjá sér sem voru Fjölbrautarskóli Vesturlands sem og Grundarfirði, þó svo óheppilega hafi viljað til að það var sama dag og næstum á sama tíma og því ekki hægt að vera á tveimur stöðum í einu.
Ég vissi svo sem að ýmislegt væri að í okkar þjóðfélagi, en að lýðræðið sé svo fótum troðið í sjálfri kosningabaráttu til alþingis átti ég hreint ekki vona á.
https://gamli.frettatiminn.is/04/09/2021/furdar-sig-a-vinnubrogdum-stjornarskrarfelagsins/
