Heims­met gæti hafa fallið

Heims­met gæti hafa fallið á dög­un­um þegar áhöfn­in á línu­bátn­um Vig­ur SF-80 tókst að ná tæp­lega 43 tonn­um á 18 þúsund króka í einni lögn. 200 mílur hjá mbl.is vakti athygli á málinu og þar segir.

„Fólk held­ur þetta sé grín þegar ég segi frá þessu. Þetta er rétt tæp 43 tonn af stórþorski, bara bolt­ar. Meðal­vigt­in er tæp níu kíló. Við höf­um aldrei heyrt af öðru eins og töl­um um að þetta hljóti að vera heims­met,“ seg­ir Sæv­ar Þór Rafns­son skip­stjóri og hlær.

Svo mikið af var af fiski að í flækj­um voru ein­hver 300 til 400 kíló af fiski sem þurft að greiða úr, en gef­um skip­stjór­an­um orðið: „Metið at­vikaðist þannig að við fór­um til sjós frá Djúpa­vogi, sigld­um beint í heima­hag­ana við Horna­fjörð og lögðum alla lín­una, sem er um 18.000 krók­ar. Eft­ir stutt­an en góðan blund byrjuðum við að draga, þegar við höfðum dregið 5 rekka af 11 voru öll kör orðin full og haldið var í land til milli­lönd­un­ar með rétt tæp 20 tonn.“ Segir á vef mbl.is og jafnframt.

„Haldið var aft­ur til hafs stuttu eft­ir lönd­un til að draga það sem eft­ir var. Seinni helm­ing­ur­inn var ekki sami gull­stíg­ur og sá fyrri því gíg­an­tísku magni af fiski fylgdi viðlíka magn af flækj­um. Þetta hafðist þó með tár á hvarmi og rúm 23 og hálft tonn í dall­in­um,“ út­skýr­ir Sæv­ar.

Heild­arafli á þess­ari lögn reynd­ist 42.893 kíló og er óhætt að segja að áhöfn­in sé ánægð með afla­brögðin en fjór­ir eru í áhöfn Vig­urs og eru það auk Sæv­ars yf­ir­stýri­maður­inn Gunn­ar Örn Marteins­son, yf­ir­vél­stjór­inn Gunn­ar Freyr Val­geirs­son og ann­ar vél­stjóri Óttar Már Ein­ars­son.

Fyr­ir blaðamanni Mbl.is er fley­inu lýst sem „drauma­skút­unni Vig­ur SF 80, sem er um 15 metra að lengd, um 30 brútt­ót­onn.“

Auglýsing – https://arnfjord.uk/ 

Auglýsing – https://arnfjord.uk/