Rannsókn lögreglu á innflutningi á miklu magni af fíkniefnum, sem greint var frá sl. föstudagskvöld, miðar vel. Lagt var hald á tugi kíló af fíkniefnum í sameiginlegum aðgerðum lögreglu, en fjórir aðilar voru úrskurðaðir í gæsluvarðhald til 17. ágúst í þágu rannsóknarinnar eins og áður hefur komið fram.
Rannsókn málsins hefur staðið yfir undanfarna mánuði, en að henni koma embætti lögregluliðanna á höfuðborgarsvæðinu, Suðurnesjum, ríkislögreglustjóra og héraðssaksóknara. Ekki er hægt að veita frekari upplýsingar um málið að svo stöddu.
Umræða
