Í einstöku umhverfi í náttúruperlunni Gróttu stendur gamalt timburhús sem byggt var fyrir aldamótin 1900. Í dag er þar að finna notalegan veitingastað, Ráðagerði Veitingahús.
Ráðagerði býður upp á fjölbreyttan matseðil sem dregur innblástur sinn frá einfaldleika ítalskrar matargerðar. Þar má finna ljúffenga rétti á sanngjörnu verði.
Fréttatíminn heimsótti Ráðagerði á dögunum en það má segja að þessi veitingastaður sé nokkuð vel falið leyndarmál, þar sem hann er aðeins út úr miðbænum. En er mjög vel sóttur af bæði erlendum gestum sem og innlendum. Maturinn er frábær og mikið úrval á matseðli og vínseðli, allt til fyrirmyndar og góð þjónusta. Það er frábært að njóta gestrisni og rólegheita í Ráðagerði og njóta alls þess sem boðið er upp á.
Að heimsækja Ráðagerði er eins og að koma í sveit, fjarri erli miðborgar þó að staðurinn sé eingöngu í 7 mínútna akstursfjarlægð frá miðborg Reykjavíkur.
Útsýnið er einstakt og víðáttan ótrúleg í allar áttir en Esjan, eldfjöllin á Reykjanesskaganum, Snæfellsjökull og Gróttuvitinn spila þar stórt hlutverk.
Á veturna finnst varla betri staður á höfuðborgarsvæðinu þar sem ljósmengun er jafn lítil og því fullkomið að njóta norðurljósa beint eftir kvöldverð í Ráðagerði. Á sumrin er dásamlegt að setjast út á pall og njóta sólseturs undir fuglasöngi en svæðið er þekkt fyrir fjölskrúðugt fuglalíf. Á heimasíðu Ráðagerðis er hægt að lesa um veitingahúsið og skoða girnilegan matseðil.
Ráðagerði Veitingahús er með síðu á Facebook þar sem hægt er að kynna sér staðinn en svo eru einnig myndir hér að neðan:
