Á undanförnum árum hefur tæknin gjörbylt ýmsum geirum samfélagsins – Fíkniefnasalar stunda viðskipti án eftirlits stjórnvalda
Fréttatíminn ræddi við fíkniefnasala um viðskiptin á Íslandi og að hans sögn eru þau mjög blómleg og ganga mjög vel.
,,Ég er búinn að vera í þessum bransa mjög lengi og alltaf sloppið undan lögreglunni og tollinum.
Aðal málið er að fara varlega og taka enga áhættu, ég flyt efnin inn i gegnum gamalt innflutningsfyrirtæki sem selur húsbúnað, það er ekki mikið verslað við fyrirtækið og nánast aldrei bílar fyrir utan né viðskiptavinir inni. Enda er þetta bara yfirvarp og þegar hrunið var á sínum tíma skipti það engu máli þó engir viðskiptavinir væru til staðar. Reksturinn var eiginlega sá eini sem ekki fór á hausinn á meðan sambærileg fyrirtæki hrundu í hruninu. Fólk þarf efnin sín alveg sama hvernig staðan er í þjóðfélaginu og maður veit hverjum maður þarf að múta svo allt gangi smurt.
Ég hlæ að bönkunum og lána á betri kjörum
Ég hlæ að bönkunum sem neita að taka á móti reiðufé og segja að það sé til að sporna við glæpastarfsemi. Við sáum það í hruninu hverjir eru mestu glæpamennirnir í fjármálaheiminum en það eru einmitt bankamenn og liðið í sjóðakerfunum sem notar bankareikninga og bókhaldsbrellur. Það eru raunverulegu glæpamennirnir á Íslandi og þeir eiga hundruði milljarða á aflandseyjum sem enginn af öllum þessum skara hjá saksóknara nennti að elta. Þessir menn eru núna á fullu að þvo milljarðana og kaupa óteljandi fyrirtæki og byggja heilu hverfin með þeim og enginn gerir neitt í neinu. Kerfið er ónýtt!
Ég skipti peningum í Evrur og hef endalausan aðgang að gjaldeyri og fer aldrei í banka. Fíkniefnasalar nota ekki banka og stærri viðskipti fara í gegnum Bitcoin. Bankarnir eru bara að bulla eins og alltaf, þegar þeir segja að reiðufé sé hættulegt, þeir ættu að vita það lang best sjálfir að það eru bara alvöru glæpamenn sem nota ekki reiðufé. Mér skilst að seðlar séu aðallega notaðir í umslög í barnaafmælum hjá börnum undir fermingaraldri. Bankarnir ljúga að fávísum lýðnum.
Raunverulega ástæðan fyrir því að bankar vilja ekki reiðufé
Raunverulega ástæðan fyrir því að bankar vilja ekki reiðufé er að þeir vilja ráða yfir peningum fólksins í landinu og hafa á sínum eigin reikningum til að braska með og hirða vexti af lýðnum. Þeir græða hundurði milljarða á að braska með peningana okkar með okurvöxtum á meðan maður fær enga vexti á móti. Ég er að lána peninga á lægri vöxtum en bankarnir og það er ekkert bull eins og Creditinfo eða greiðslumat eins og bankarnir nota til að finna bestu bankaþrælana.
Nálgun án náveru
Í hefðbundnum fíkniefnaviðskiptum þurfa kaupendur og seljendur oft að hittast augliti til auglitis, sem felur í sér áhættu beggja vegna. Með tilkomu Bitcoin hafa þessi viðskipti færst yfir á netið – nánar tiltekið á svokallaðan „myrkra vef“, þar sem sala á vímuefnum, vopnum og fölsuðum skjölum þrífst.
Notkun Bitcoin gerir sölum kleift að taka við greiðslum með nafnleynd, án aðkomu banka eða eftirlitsaðila. Þó að allar færslur séu skráðar í svokallaða „blockchain“-keðju, sem er opinber og rekjanleg, eru eigendur veska (wallets) oft nafnlausir – sérstaklega þegar þeir beita dulkóðun, netumgengni í gegnum Tor og nota „VPN þjónustu“ til að fela uppruna og áfangastað fjármagnsins.
Þjónusta og afhending
Salan fer þannig fram að kaupandi fer inn á vefsvæði á myrkra vefnum, velur sér vöru, greiðir í gegnum Bitcoin-veski og fær sendinguna með pósti – oft vel falda í venjulegum umbúðum. Þetta hefur gert lögreglu og tollgæslu erfiðara fyrir við að rekja uppruna og dreifileiðir fíkniefna.
Milljónir evra flæða í gegnum þessi kerfi árlega og stór hluti þess tengist ólöglegum efnum. Þó Bitcoin sé gjarnan notað, eru einnig önnur rafmyntarkerfi, eins og Monero og Zcash, sem bjóða upp á enn meiri nafnleynd. Þau eru í auknu mæli notuð í undirheimaviðskiptum. “
Íslendingar í Panama-skjölunum – Aflandsfélög í skattaskjólum?
