Neytendastofa hefur haft til skoðunar upplýsingagjöf og viðskiptahætti fyrirtækja sem sinna bílastæðaþjónustu í tengslum við gjaldskyld bílastæði. Stofnunin hefur nú lokið ákvörðun gagnvart fjórum fyrirtækjum þar sem upplýsingagjöf og viðskiptahættir eru ekki í samræmi við lög.
Brotið gegn lögum um góða viðskiptahætti
Neytendastofa komst að þeirri niðurstöðu að fyrirtækin hefðu brotið gegn lögum um góða viðskiptahætti sem og reglum um verðmerkingar með því að veita ekki upplýsingar um öll gjöld tengd stæðunum.
Þá taldi stofnunin um að ræða brot gegn lögum í þeim tilvikum þar sem afmörkun gjaldskyldra bílastæða var ekki nægilega skýr auk þess sem það teldust villandi viðskiptahættir að láta líta út fyrir að sjálfvirk greiðslukerfi eða gjaldtaka væru til staðar. Án þess að taka fram að slíkt þyrfti að virkja sérstaklega eða kerfið ekki til staðar.
Þá komst stofnunin að þeirri niðurstöðu að í einu tilfelli hafi fyrirtæki brotið gegn reglugerð um viðskiptahætti sem teljast undir öllum kringumstæðum óréttmætir með því að upplýsa neytendur ranglega um að þjónusta þess sé endurgjaldslaus.
Taldi stofnunin tilefni til að beita stjórnvaldssektum í málunum og námu sektarfjárhæðirnar frá 200.000 til 1.000.000 kr.
FÍB óskaði eftir aðgerðum af hálfu Neytendastofu vegna ófremdarástands og græðigisvæðingu
Í apríl 2024 óskaði Félag íslenskra bifreiðaeigenda, FÍB, eftir aðgerðum af hálfu Neytendastofu vegna ófremdarástands og græðigisvæðingu við gjaldtöku á bílastæðum. Neytendastofa féllst á kröfu FÍB að skoða málið með þeim niðurstöðum sem stofnunin birti í dag.
FÍB hefur bent á vaxandi græðgisvæðingu á bílastæðum í einkaeigu, þar sem farið er að innheimta háar fjárhæðir fyrir afnot bílastæða allan sólarhringinn. Og eftir því sem þrengir að bílastæðum í miðborg Reykjavíkur hækka bílastæðagjöldin.
Í bréfinu til Neytendastofu taldi FÍB að margt í vinnubrögðum innheimtufyrirtækjanna flokkist undir villandi og óréttmæta viðskiptahætti.
Á vef Neytendastofu kemur fram að stofnunin hefði komist að þeirri niðurstöðu að fyrirtækin hefðu komist að þeirri niðurstöðu að fyrirtækin hefðu brotið gegn lögum um góða viðskiptahætti sem og reglum um verðmerkingar með því að veita ekki upplýsingar um öll gjöld tengd stæðunum.
Fyrirtækin sem um ræðir eru Isavia, vegna gjaldheimtu við Reykjavíkurflugvöll, Parka lausnir ehf., Easypark og Green parking ehf. Sektirnar voru á bilinu 200 þúsund krónur til einnar milljónar króna, sem Parka ber að greiða.
Þá hafi Neytendastofa talið um að ræða brot á lögum í þeim tilvikum þar sem afmörkun gjaldskyldra bílastæða var ekki nægilega skýr auk þess sem það teldust villandi viðskiptahættir að láta líta út fyrir að sjálfvirk greiðslukerfi eða gjaldtaka væru til staðar, án þess að taka fram að slíkt þyrfti að virkja sérstaklega eða kerfið ekki til staðar.
Loks hafi stofnunin komist að þeirri niðurstöðu að í einu tilfelli hafi fyrirtæki, Parka, brotið gegn reglugerð um viðskiptahætti sem teljast undir öllum kringumstæðum óréttmætir með því að upplýsa neytendur ranglega um að þjónusta þess sé endurgjaldslaus.
Ákvarðanirnar má lesa í heild sinni hér.
