Laddi heldur upp á 75 ára afmælisdaginn

Laddi sem er einn besti og farsælasti skemmtikraftur, leikari og fleira sem um getur á Íslandi, heldur upp á 75 ára afmælisdaginn sinn þann 20. janúar næstkomandi, í Háskólabíói. Hann verður þar með góðum gestum og hljómsveit til að rifja upp ferilinn og fagna tímamótunum.

Sena vekur athygli á atburðinum og þar kemur fram að góðir gestir muni koma fram með Ladda og má þar nefna Þórhall Þórhallsson, son Ladda og einn fyndnasta mann Íslands. Heiðursgesturinn er Hörtur Howser, samferðamaður Ladda í tónlistinni síðustu 40 árin.

Laddi er sannkallaður umskiptingur; skemmtikraftur sem klæðir sig í nýtt hlutverk ár eftir ár.

Öll höfum við séð hann á árum áður í Heilsubælinu, Imbakassanum og Spaugstofunni, í Áramótaskaupinu, bak við trommusettið og svo míkrafóninn á sviði með bróður sínum Halla. Nýlega setti hann upp eina vinsælustu grínsýningu Íslandssögunar: Laddi 6-tugur, sem gekk fyrir troðfullu húsi í tvö ár samfleytt og sjónvarpsþáttaröðin Jarðarförin sló öll met í Sjónvarpi Símans í fyrra.

Kvikmyndaferillinn er einnig langur og skrautlegur, og þar má nefna snilldarmyndir á borð við Stella í Orlofi, Löggulíf, og Amma Hófý. Einnig hefur Laddi stigið á næstum öll leiksvið landsins, allt frá því að hann kom fram í Litlu hryllingsbúðinni í Gamla Bíói 1985, að Vesalingunum í Þjóleikhúsinu, og allt þar á milli.

Nú er komið að því að þessi merkismaður telur árin 75 og því ber að fagna. Þann 20. janúar næstkomandi, á sjálfum stórafmælisdeginum stígur hann á svið í Háskólabíói, með góðum gestum og hljómsveit til að rifja upp ferilinn og fagna tímamótunum. 

Gestir:

• Ágústa Eva
• Ari Eldjárn
• Eyþór Ingi
• GDRN

Einnig munu sérstakir gestir koma fram og má þar nefna Þórhall Þórhallsson, son Ladda og einn fyndnasta mann Íslands. Heiðursgestur er Hörtur Howser, samferðamaður Ladda í tónlistinni síðustu 40 árin.

Ljóst er að það stefnir í skemmtilegustu kvöldstund ársins. Það verður hlegið, tónlistin mun óma og við fögnum öll saman með þjóðargerseminni Ladda á 75 ára afmælisdegi hans. Enn er hægt að tryggja sér miða skv. upplýsingum sem fram koma á vefsíðu Senu: