Kristján Þór Júlíusson, sjávarútvegs- og landbúnaðarráðherra, ætlar ekki að gefa kost á sér í prófkjöri Sjálfstæðisflokksins. Þetta kemur fram í viðtali Morgunblaðsins við Kristján Þór.
Þar segir Kristján að ákvörðunin sé tekin að vel ígrunduðu máli. Hann hafi gert það upp við sig að þetta sé orðið gott eftir hálfan fjórða áratug í stjórnmálum. Hann kveðst þó ætla að vera virkur áfram í starfi Sjálfstæðisflokksins. Kristján Þór er oddviti Sjálfstæðisflokksins í Norðausturkjördæmi og fyrsti þingmaður. Hann hefur gegnt ráðherraembætti frá árinu 2013. Fyrst sem heilbrigðisráðherra, svo mennta- og menningarmálaráðherra og nú sjávarútvegs- og landbúnaðarráðherra.
https://gamli.frettatiminn.is/05/03/2021/ovinsaelustu-radherrar-islands-spillingarmal-og-tortryggni/
