Breytingarnar sem lagðar voru fram í dag koma til viðbótar við yfirlýsingu frá ESA, sem telur að núverandi reglur brjóti í bága við EES-samninginn og komi í veg fyrir frjálsa samkeppni. Nýju reglurnar eiga að koma til framkvæmda 1. júlí 2020.
Í dag kynnti ríkisstjórn Noregs tillögu um að fjarlægja þak á fjölda leigubifreiða í Noregi og hugsanlega opnast þá þjónusta Uber í Noregi fljótlega.
Þetta getur valdið því að Uber hefji aftur starfsemi í Noregi og þá munu tekjur hefðbundinna leigubíla væntanlega dragast saman. Þetta er gert til þess að gefa neytendum frelsi til þess að velja sér þá þjónustu sem þeir vilja kaupa. Segir samgönguráðherra Noregs, Jon Georg Dale (FRP). Samgönguráðherrann telur að hátt verð hjá leigubílum í Noregi kunni að vera ástæðan fyrir því að leigubílaiðnaðurinn gæti misst viðskipti í samkeppninni. ,,Ég held að við verðum að opna markaðinn, þannig að við fáum fleiri valmöguleika og þá mun markaðurinn sjá sjálfur um framboð og eftirspurn, þar sem að kúnninn ræður ferðinni.“Segir Dale.
Forstöðumaður norska leigubílafélagsins telur að þetta muni leiða til vandamála fyrir leigubílaiðnaðinn og muni m.a. leiða t.d. til ofbeldisverka í stærstu borgunum. ,,Þetta þýðir að margir nýir „leikmenn“ munu koma inn á markaðinn án þess að markaðurinn vaxi í samræmi við fjölgun bílstjóra,“ segir Roar Refseth, forstöðumaður norska leigubílafélagsins . Samkvæmt hans skoðun mun aukin samkeppni ekki veita viðskiptavinum lægra verð.
Leigubílaþjónustan Uber var stoppuð af í Noregi árið 2017. Það var gert vegna þess að skortur var á skýrum lögum í Noregi sem að heimuluðu starfsemina. Fram að því hafði Uber rekið ólöglega starfsemi í landinu og fékk 75 milljónir króna í sekt vegna brota á lögum um farþegaflutninga. 194 ökumenn voru kærðir fyrir að bjóða upp á ólöglega leigubílaþjónustu. Breytingarnar sem lagðar voru fram í dag koma til viðbótar við yfirlýsingu frá ESA, sem telur að núverandi reglur brjóti í bága við EES-samninginn og komi í veg fyrir frjálsa samkeppni.
Nýju reglurnar eiga að koma til framkvæmda 1. júlí 2020.
