Jón Óttar Ólafsson, fyrrverandi lögreglumaður, kærði Ólaf Þór Hauksson héraðssaksóknara til nefndar um eftirlit með lögreglu í mars, fyrir að vera vanhæfur um að rannsaka Namibíumálið svokallaða. Hann telur það hafa hrundið af stað atburðarás sem leiddi til þess að Ríkisútvarpið fékk gögn sem voru til umfjöllunar í Kveik og Kastljósi fyrir skemmstu.
Þetta kemur fram á vef ríkisútvarpsins og þar segir enn fermur; ,,Jón Óttar segist í viðtali við Frosta Logason í hlaðvarpsþættinum Spjallið að hann sé fullviss um að Ólafur Þór Hauksson héraðssaksóknari hafi sjálfur lekið gögnunum til Ríkisútvarpsins.“
„Það sem í raun og veru keyrir þetta í gang er að fyrir nokkrum vikum þá kærði ég héraðssaksóknara til nefndar um eftirlit með störfum lögreglu þar sem ég sagði að þeir væru í raun vanhæfir til að rannsaka mig í þessu svokallaða Namibíumáli,“ segir Jón Óttar í hlaðvarpinu.
Margrét Einarsdóttir, formaður nefndar um eftirlit með störfum lögreglu, staðfestir að nefndinni hafi borist kæra, og hún hafi verið send á borð ríkissaksóknara til rannsóknar eins og lög gera ráð fyrir.
Namibíumálið hófst árið 2019 og varðar rannsókn á meintum mútugreiðslum íslensks sjávarútvegsfyrirtækis til embættismanna í Namibíu til þess að fá úthlutað fiskveiðiheimildum. Jón Óttar segist hafa verið gerður að sakborningi í málinu en er ósáttur við að Ólafur Þór sinni rannsókninni.
Þegar Ólafur Þór gegndi embætti sérstaks saksóknara árið 2012 kærði hann Jón Óttar og samstarfsfélaga hans fyrir brot á þagnarskyldu, en kæran var felld niður. Þess vegna taldi Jón Óttar embætti héraðssaksóknara vanhæft til þess að rannsaka sig vegna Namibíumálsins. Hann telur að þetta hafi leitt til atburðarásar síðustu daga.
Frosti spyr Jón Óttar hvort gögni sem Ríkisútvarpið fékk væru komin beint frá héraðssaksóknara. „Ég er eiginlega alveg viss um það, það er eiginlega ómögulegt annað,“ segir Jón Óttar. Segir á vef RÚV.
Íslendingar í Panama-skjölunum – Aflandsfélög í skattaskjólum?
