Það er hneyksli að það fjármagn sem flokkarnir verja í auglýsingakaup streymi til erlendra tæknirisa og veiki stöðu íslenskra fjölmiðla. Jafnframt er það í besta falli hlægilegt að Flokkur fólksins, sem auglýsir “útrýmum fátækt” sóar meira fé skattgreiðenda en Píratar, VG, Framsókn, Viðreisn, Sjálfstæðisflokkurinn og Miðflokkurinn samanlagt. Það er í rauninni grátbroslegt að Inga Sæland moki peningum undir ríkasta mann heims Suckerberg eiganda facebook.
Flokkur fólksins hefur á síðustu níutíu dögum eytt 1,4 milljónum króna á Facebook. Það er hátt í tvöfalt meira en Samfylkingin, sem hefur eytt næstmestu fjármagni á facebook eða rúmlega 820 þúsundum.
Samtals keyptu Samfylking og Flokkur fólksins auglýsingar fyrir rúmar 2,2 milljónir króna, bara á facebook. Þá eru ótaldar allar aðrar auglýsingar Flokks fólksins sem eru mjög áberandi, einnig hjá Rúv sem veitir nú ekki af aurum. Mér þykir það merki um mikinn veikleika og örvæntingu, þegar ekki er nóg að láta verkin tala til að fá gott fylgi, þá er eitthvað mikið að í það minnsta.
Í gamla daga var erfiðara að „kaupa“ sér þingsæti en það var í þá daga þegar Alþingi og alþingismenn nutu virðinar og trausts sem var löngu áður en flokkarnir létu ríkissjóð styrkja sjálfa sig um hundruði milljóna með sjálftöku á peningum þjóðarinnar. Flokkarnir komu sjálfum sér á fjárlög og hirða þannig milljarða af þjóðinni.
Það er ekki gott þegar maður fær á tilfinninguna að verið sé að nánast kaupa atkvæði með auglýsingum, mér þykir slík framkoma meira vera í anda sjálfstæðisflokksins en flokks sem er að selja fólki hugmyndina um að verið sé að standa vörð um þá sem minna mega sín.
Það einkennilega við auglýsingaprógram Flokks fólksins er að í hvert skipti sem auglýsing birtist hrynur fylgið af flokknum. Gamall auglýsinga maður sagði í viðtali að annaðhvort verði þau hjá Flokki fólksins að skipta um auglýsingar eða þann sem tekur ákvarðanir um hvar eigi að auglýsa.
Honum líst samt vel á söngdívuna Ingu Sæland og leikara hæfileika hennar og telur hann að Inga ætti Grímuverðlaunin skilið, hún getur grátið og öskrað á víxl, en allavega fyrir rokkhanskana hjá Gísla Marteini, en hún eins og landsmenn muna, tróð upp í samnefndum þætti við mikinn fögnuð þáttastjórnanda og æsti upp gesti þáttarins og landsmenn alla.
