Helstu tíðindi frá lögreglunni á höfuðborgarsvæðinu 13. júní kl. 17:00 til 14. júní kl. 05:00. Lögreglan veitir ekki nánari upplýsingar um sérstaklega viðkvæm mál á þessu stigi, svo sem mannslát, kynferðisbrot o.fl. Að neðan eru rakin nokkur markverð mál:
Óskað aðstoðar vegna ráns í hverfi 109, þar sem tveir aðilar réðust að einum með ofbeldi og stálu af honum peningum. Brotaþoli vildi lítið tala við lögreglu vegna málsins og gaf aðeins óljósa lýsingu á málsatvikum. Lögregla hafði því á litlu að byggja og því er málið óupplýst.
Aðili handtekinn grunaður um eignaspjöll í hverfi 101, en sá hafði brotið nokkrar rúður í tveimur bifreiðum með hamri. Sá var vistaður í fangageymslu, enda ölvaður.
Ökumaður handtekinn grunaður um akstur undir áhrifum áfengis í hverfi 210, en sá blés 1,16‰. Þá er hann einnig sviptur ökuréttindum, en maðurinn hefur þrisvar sinnum áður verið handtekinn fyrir ölvunarakstur. Hann var látinn laus að lokinni blóðsýnatöku.
Óskað aðstoðar vegna alvarlegrar líkamsárásar í hverfi 110. Lögreglumenn veittu árásarþola fyrstu hjálp á vettvangi og bjuggu um sár hans, síðan var árásarþoli fluttur með sjúkrabifreið á slysadeild. Gerandinn flúði af vettvangi, en fannst skammt frá með aðstoð drónateymis og var handtekinn af sérsveit ríkislögreglustjóra. Maðurinn var vistaður í fangageymslu.
Ökumaður handtekinn grunaður um akstur undir áhrifum vímuefna í hverfi 108, en sá er einnig sviptur ökuréttindum. Þá kom í ljós að bifreiðin var stolin og því voru ökumaðurinn og farþegi vistuð í fangageymslu, en þau voru bæði í annarlegu ástandi.
