2.8 C
Reykjavik
Föstudagur - 27. janúar 2023
Auglýsing

Kynningarfundur um Þjóðgarð á Vestfjörðum

Auglýsingspot_img

Nýjar fréttir

Auglýsingspot_img

Umhverfisstofnun safnar hugmyndum að nafni á þjóðgarðinn

Umhverfisstofnun mun kynna stofnun þjóðgarðs á sunnanverðum Vestfjörðum. Stofnunin vinnur nú ásamt samstarfshópi að undirbúningi friðlýsingar fyrir svæði sem m.a. nær til Vatnsfjarðar, Surtarbrandsgils, Geirþjófsfjarðar og jarðanna Dynjanda og Hrafnseyrar við Arnarfjörð
Vatnsfjörður verður friðlýstur þjóðgarður – Vesturbyggð vekur athygli á opnum kynningarfundi um framkvæmdi friðlýsingar

Vesturbyggð vekur athygli á opnum kynningarfundi um friðlýsinguna og þjóðgarðinn, sem verður haldin á Teams miðvikudaginn 16. desember kl. 17.30

,,Freyja Pétursdóttir og Edda Kristín Eiríksdóttir munu flytja erindi þar sem fjallað verður um allt sem tengist friðlýsingunni, t.d. friðlýsingarferlið sjálft, vinnu samstarfshópsins, svæðið og verndargildi þess ásamt tækifærum sem geta skapast með friðlýsingum og áhrif þeirra á nærsamfélög.
Í kjölfar erindisins verður tekið á móti spurningum. Fundurinn er opin öllum og við hlökkum til að sjá sem flesta!“
Friðlýstur þjóðgarður mun gilda um: Vatnsfjörð, Surtarbrandsgil, Geirþjófsfjörð og jarðir við Arnarfjörð

Í september 2019 færði RARIK íslenska ríkinu jörðina Dynjanda að gjöf. Við undirritun samkomulags vegna gjafarinnar staðfestu stjórnvöld að stefnt væri að frekari friðlýsingu jarðarinnar og vatnasviðs fossins á Dynjandisheiði.

Friðlýsing fyrir Vatnsfjörð, Surtarbrandsgil, Geirþjófsfjörð og jarðirnar Dynjanda og Hrafnseyri við Arnarfjörð 

Í stjórnarsáttmála ríkisstjórnarinnar var kveðið á um að skoðaðir verði möguleikar á þjóðgörðum á öðrum svæðum en miðhálendi Íslands. Á grundvelli átaks í friðlýsingum sem umhverfis- og auðlindaráðherra setti á fót í júní 2018, hefur m.a. verið unnið að þessari skoðun m.t.t. gjafar RARIK. Í byrjun ársins 2020 hófst undirbúningsvinna með Vesturbyggð, Ísafjarðarbæ og Umhverfisstofnun. Í kjölfarið var stofnaður samráðshópur undir forystu umhverfis- og auðlindaráðuneytisins skipaður fulltrúum sveitarfélaganna tveggja, Umhverfisstofnunar, Landgræðslusjóðs sem eiganda jarðarinnar Langa-Botns í Geirþjófsfirði, forsætisráðuneytisins sem umsjónaraðila Hrafnseyrar við Arnarfjörð og mennta- og menningarmálaráðuneytisins.
„Á Íslandi eru fáir þjóðgarðar, ekki síst miðað við hversu stórfenglega náttúru hér er að finna. Þjóðgarðarnir okkar þrír hafa hver sína sérstöðu þar sem náttúruverðmæti, saga og menning tvinnast saman í órjúfanlega heild. Einhvern tímann heyrði ég þá líkingu að þjóðgarðar væru eins og betri stofan; þar eru okkar fínustu djásn sem við viljum vernda, þar njótum við samveru og upplifunar ásamt því að bjóða þangað gestum.

Mikil tækifæri í stofnun þjóðgarðs

Ég sé mikil tækifæri í stofnun þjóðgarðs á sunnanverðum Vestfjörðum, ekki síst fyrir vernd náttúru og menningar okkar, en  líka vegna tækifæra til atvinnusköpunar sem felast í þessu aðdráttarafli fyrir landshlutann  í heild sinni, enda svæðið einstakt og ólíkt öðrum svæðum þar sem í dag eru þjóðgarðar“, sagði Guðmundur Ingi Guðbrandsson, umhverfis- og auðlindaráðherra.
Frekari upplýsingar um um stofnun þjóðgarðs er að finna á vef Umhverfisstofnunar en vakin er athygli á því að Umhverfisstofnun stendur fyrir söfnun á hugmyndum að nafni á þjóðgarðinn.

MEIRA UM KYNNINGU Á STOFNUN FRIÐLÝST ÞJÓÐGARÐS