Lögreglan á höfuðborgarsvæðinu varar eigendur og umráðamenn ökutækja við því að skilja verðmæti eftir í bílum. Innbrot í bíla á höfuðborgarsvæðinu eru vel þekkt, en þjófum er ekkert heilagt og þeir stela jafnvel jólagjöfum ef því er að skipta.
Símar, tölvur og myndavélar freista þjófanna
Símar, tölvur og myndavélar eru meðal þess sem freista þjófa, en þetta verða eigendur eða umráðamenn ökutækja að hafa hugfast og muna að skilja ekki nein verðmæti eftir í bílum. Sé það óumflýjanlegt er mikilvægt að slíkir hlutir séu ekki í augsýn.
Skilja bíla frekar eftir á upplýstum bílastæðum
Sömuleiðis er rétt að benda á mikilvægi þess að skilja bíla frekar eftir á upplýstum bílastæðum, ef þess er nokkur kostur. Þjófum finnst nefnilega fátt betra en að athafna sig í myrkrinu þar sem ekki sést til þeirra.
Umræða
