Kvik­mynd­in Snert­ing er fram­lag Íslands til Óskar­sverðlauna

Kvik­mynd­in Snert­ing verður fram­lag Íslands til Óskar­sverðlauna á næsta ári, að því er seg­ir í til­kynn­ingu frá Íslensku kvik­mynda- og sjón­varps­aka­demí­unn­ar (ÍKSA).

Fréttatíminn hvetur fólk til að sjá myndina því hún kemur verulega á óvart og fær fullt hús stiga í stjörnugjöf.

Kvikmyndin er mjög vel gerð og leikarar mjög góðir í að túlka þetta ferðalag sem aðal persóna myndarinnar Kristófer (Egill Ólafsson) fer í á milli heimsálfa til þess að hitta æskuástina. Kristófer sem er sjötugur ekkill og er kominn á eftirlaun, leggur óvænt upp í ferð án fyrirheits, þegar heims-faraldurinn er skollinn á.

Í von um að finna skýringu á því hvað orðið hafi um kærustu hans sem hvarf sporlaust frá London 50 árum áður. För hans leiðir hann yfir hálfan hnöttinn og alla leið til Japans við lítinn fögnuð fjölskyldu hans.

• Leikstjóri og handritshöfundur: Baltasar Kormákur
  Helstu leikarar: Egill Ólafsson, Pálmi Kormákur, Mitsuki Kimura, Masahiro Motoki
  Tegund myndar: Drama

Um­sögn dóm­nefnd­ar ÍSKA í heild sinni:

Snert­ing er í senn epísk og af­skap­lega mann­leg saga um til­finn­ing­ar, ást, eft­ir­sjá og litlu augna­blik­in í lífi hvers manns sem öðlast merk­ingu þegar horft er til baka.

Í Snert­ingu er unnið með klass­ísk þemu og frá­sagn­ar­stef á ný­stár­leg­an og list­ræn­an máta. Mögu­lega er hægt að end­ur­heimta ást­ina sem rann aðal­per­són­un­um úr greip­um ára­tug­um fyrr, en spurn­ing­in hvað það þýðir og hvað hef­ur glat­ast ligg­ur mynd­inni til grund­vall­ar.

Á sama tíma og unnið er með þessi klass­ísku stef eru þau fram­sett með óvenju­legri sjón­rænni fág­un og næmni, og hinn þverþjóðlegi sögu­heim­ur er kallaður fram ekki sem bak­grunn­ur held­ur burðarstólpi í sjálfri ástar­sög­unni; inn í viðkynn­ingu Miko og Kristó­fers eru þrædd­ir sögu­leg­ir og menn­ing­ar­leg­ir þætt­ir sem bæði sam­eina og sundra.

Teng­ing­arn­ar milli pars­ins og ást­in sjálf birt­ast í lýs­ingu og sjón­ar­horni, birt­unni sem um­lyk­ur lík­ama þeirra og hvernig þeir sam­tvinn­ast og snert­ast, í rým­is­vensl­un­um í eld­hús­inu al­veg eins og því sem er sagt.

Snert­ing er hríf­andi saga um mennsk­una, menn­ing­ar­heima sem skar­ast á og leit­ina að svör­um við ósvöruðum spurn­ing­um. At­vik og ör­lög heill­ar mann­sævi fléttuð sam­an í órofa heild.

Mynd­in var val­in af dóm­nefnd ÍSKSA sem í sátu full­trú­ar helstu fag­fé­laga ís­lenska kvik­myndaiðnaðar­ins, auk full­trúa kvik­mynda­húsa, kvik­mynda­gagn­rýn­enda og Kvik­mynda­miðstöðvar Íslands.