Um síðustu áramót starfaði fólk í 29 þúsund stöðugildum á vegum ríkisins, samkvæmt nýrri skýrslu Byggðastofnunar. Þar er farið yfir fjölda stöðugilda og dreifingu um landið.
Flest eru stöðugildin á höfuðborgarsvæðinu, hlutfallslega fleiri en íbúarnir sem búa þar. Hlutfall stöðugilda ríkisins af íbúafjölda er mest á höfuðborgarsvæðinu og á Norðurlandi vestra, rúmlega tólf prósent. Lægt er það á Suðurlandi og Vesturlandi, um átta prósent.
Nærri helmingur stöðugilda, 45 prósent, heyra undir heilbrigðisráðuneytið. Það eru 13 þúsund stöðugildi í allt og þar af eru rúmlega fimm þúsund stöðugildi á Landspítalanum.
Umræða
