Monkeys er staðsettur við Klapparstíg 28-30 í Hjartagarðinum. Gengið er inn í hlýlegt, litríkt og spennandi umhverfi þar sem gestir geta notið framandi matar.
Staðurinn er smáréttastaður með mikið úrval framandi rétta sem eru undir áhrifum frá Perú og Japan. Mikil áhersla er á gott úrval léttvína í glasatali og þá sér í lagi freyðandi vín frá öllum heimshornum ásamt frábærum kokteilum, segir í almennri kynningu á veitingastaðnum.
Matseðillinn á veitingahúsinu er algerlega frábær og topp þjónusta
Við áttum mjög þægilegt og kósý kvöld á Monkeys í vikunni, mættum klukkan 20 og þá þegar voru nánast setið á öllum borðum og stemmingin góð. Tekið var hlýlega á móti okkur og okkur vísað til borðs inn af veitingastaðnum, í fordrykk, áður en okkur var vísað til borðs. Mjög skemmtileg aðstaða, sem er eins og maður sé kominn í hraðlest, með gluggum og alles, enda bara alvöru lestarsalur, frábær hönnun og smekkleg. Þjónustan er upp á tíu og sérstaklega þægilegir og aðlaðandi þjónar sem kunna sitt fag.
Matseðillinn á veitingahúsinu er algerlega frábær, það tekur góðan tíma að velja, því úrvalið er svo mikið og réttirnir svo girnilegir. Það er algjörlega á hreinu að allir geta fundið frábæran rétt fyrir sig því fjölbreytileikinn er mjög mikill. Þá er mikill metnaður lagður í góð vín með matnum sem og óáfenga drykki.
Jólamatseðillinn er sannkölluð jólaveisla og matseðillinn á gamlárskvöld er líka mjög girnilegur og tilvalinn til að kveðja gamla árið með stæl.
,,Nikkei matreiðsla er heiti á matargerðinni sem ræður ríkjum á staðnum.
Hún á uppruna sinn að rekja til seinni hluta 19. aldar þegar japanskir innflytjendur hófu að setjast að í Perú í töluverðum mæli.
Þar blönduðust aldagamlar matreiðsluaðferðir frá Japan saman við fjölbreytta matarkistu Perú. Nikkei matreiðsla sameinar það besta úr hvorri matargerð s.s. virðingu fyrir hráefninu og samsetningu framandi bragðtegunda.
Þannig voru japanskir réttir tengdir bragði og eldunaraðferðum frumbyggja í Perú á aðdáunarverðan hátt. Þessi blanda felur í sér það besta úr glæsilegri og fíngerðri matarmenningu Japana ásamt afburða fersku hráefni blandað kryddtöfrum frá Perú.“ Segir í kynningu á matargerð. Fréttatíminn mælir eindregið með því að fólk sem ekki hefur prufað veitingahúsið Monkeys, drífi sig að panta borð og upplifa allt sem Monkeys hefur upp á að bjóða.
Eftir smá könnun kom í ljós að Monkeys á marga fastagesti sem halda tryggð við staðinn, það er örugglega ekki að ástæðulausu og Fréttatíminn getur staðfest að það er mjög vel þess virði að upplifa þetta frábæra veitingahús með þeim sem þér þykir vænt um. Upplagt er að skoða myndir á Facebook.
- Staðnum stýra þeir Gunnar Rafn Heiðarsson veitingastjóri ásamt Sigurði Borgari Ólafssyni.
- Eldhúsinu stýrir Snorri Sigfússon yfirmatreiðslumeistari ásamt Andreas P. Williams Gunnarssyni og Ólafi Ágúst Petersen.
- Allir eftirréttir eru gerðir af Ólöfu Ólafsdóttur Konditor.
- Kokteilbarnum er stýrt af Jakobi Alf Arnarsyni yfirkokteilbarþjóni ásamt Martin Starha og Baldvini Mattes.
- Öll hafa þau áratuga reynslu í því að skapa framúrskarandi upplifun gesta sinna.
