3.8 C
Reykjavik
Laugardagur - 28. janúar 2023
Auglýsing

Veggjald lækkar í Vaðlaheiðargöngum

Auglýsingspot_img

Nýjar fréttir

Auglýsingspot_img

Frá og með 1. júní 2020 verður gerð einföldun og lækkun á innheimtu veggjalds fyrir þá sem keyra í gegnum Vaðlaheiðargöng án þess að skrá ökutækin sín af því fram kemur í tilkynningu frá rekstraraðilum ganganna. Þannig lækkar greiðsla á veggjaldi úr 2.500 krónum í 1.500 krónur hverja ferð fyrir fólksbíla sem keyra beint í gegn án þess að skrá sig. Sem fyrr stofnast krafa sjálfkrafa í heimabanka hjá eigandi eða umráðamanni ökutækis sem hefur tíu daga til að greiða að sögn FÍB.
Markmið með þessari breytingu er að einfalda kerfið og koma til móts við ábendingar um að tíminn til að greiða væri of naumur og að ekki væru allir sem treystu sér til að skrá og borga í gegnum heimasíðuna veggjald.is eða með appi í snjallsíma.
Í tilkynningunni kemur ennfremur fram að markmið með innheimtukerfi Vaðlaheiðarganga er að nýta tækni til eins hagkvæms rekstrar og hægt er auk þess að tryggja öryggi þeirra sem nota þau með frjálsu flæði („free-flow tolling“). Ljóst var við upphaf gjaldtöku í ársbyrjun 2019 að um nýjung var að ræða og ekki bara á Íslandi í þeim skilningi að innheimta er sjálfvirk og engin mönnuð greiðsluskýli við göngin.  Það er eðlilegt að það taki viðskiptavini tíma að læra á kerfið sem virkar til framtíðar.
Þá segir að breytingar við greiðslu í heimabanka hafa engar breytingar í för með sér fyrir þá sem hafa nú þegar skráð ökutæki á veggjald.is eða tunnel.is, hvorki fyrir þá sem greiða fyrir stakar ferðir eða þá sem hafa keypt 10, 40 eða 100 ferðir fyrirfram og njóta þannig afsláttarkjara.