Í kvöld gengur í suðvestan 5-13 m/s með rigningu eða súld

Hugleiðingar veðurfræðings

Hæg suðlæg eða breytileg átt í dag. Bjart með köflum norðaustanlands, en annars staðar verður skýjað að mestu og líkur á lítilsháttar vætu. Hiti á bilinu 1 til 8 stig, mildast við suður- og vesturströndina. Í kvöld gengur í suðvestan 5-13 m/s með rigningu eða súld víða á landinu. Hægari vindur í fyrramálið, en snýst í vaxandi norðaustanátt á morgun, víða 8-15 m/s síðdegis, hvassast norðvestantil á landinu. Það verður rigning eða slydda með köflum á norðan- og austanverðu landinu, en á fjallvegum gæti úrkoman fallið sem snjókoma. Sunnan- og vestanlands léttir hins vegar til seinnipartinn, þegar norðaustanáttin nær sér á strik.
Veðurhorfur á landinu
Hæg suðlæg eða breytileg átt í dag. Bjart með köflum norðaustanlands, annars skýjað og sums staðar lítilsháttar væta. Suðvestan 5-13 og víða rigning eða súld í kvöld og nótt, en lægir aftur í fyrramálið.
Gengur í norðaustan 8-15 síðdegis á morgun og rofar til sunnan heiða, en rigning eða slydda um landið norðan- og austanvert.
Hiti 2 til 8 stig.
Spá gerð: 17.10.2020 11:27. Gildir til: 19.10.2020 00:00.
Veðurhorfur á landinu næstu daga
Á mánudag:
Minnkandi norðaustanátt, 3-10 m/s eftir hádegi. Léttskýjað á Suðvesturlandi, dálítil él norðan- og austanlands og skúrir syðst á landinu. Hiti 1 til 6 stig, mildast með suðurströndinni. Hægviðri um kvöldið og frystir allvíða.
Á þriðjudag:
Hæg vestlæg eða breytileg átt og stöku él eða skúrir með vestur- og norðurströndinni, en víða þurrt og bjart veður annars staðar. Hiti kringum frostmark.
Á miðvikudag:
Suðlæg átt 3-8 og lítilsháttar rigning eða slydda á Suður- og Vesturlandi, hiti 1 til 6 stig. Léttskýjað á Norður- og Austurlandi og vægt frost.
Á fimmtudag og föstudag:
Ákveðin suðaustanátt lengst af rigning, en þurrt að kalla norðanlands. Hiti 2 til 7 stig.
Spá gerð: 17.10.2020 09:12. Gildir til: 24.10.2020 12:00.