Hugleiðingar veðurfræðings
Það hefur verið rólegt veður á landinu í dag en nú síðdegis nálgast öflug skil úr vestri og þau ganga inn yfir vesturhluta landsins seint í kvöld.
Það snýst því í vaxandi sunnanátt, víða 15-25 m/s í fyrramálið, hvassast í vindstrengjum á Norðurlandi. Þá er útlit fyrir talsverða rigningu sunnan- og vestanlands, og mikið úrhelli á norðanverðu Snæfellsnesi, en úrkomuminna um landið norðaustanvert. Hlýtt í veðri og búast má við talsverðri hláku um tíma, einkum um landið norðan- og norðvestanvert þar sem fólk er hvatt til að hreinsa frá niðurföllum.
Hlýja loftið fer þó hratt hjá og seinnipartinn sækir kaldara loft að úr vestri, vindur verður suðvestlægari og það kólnar með skúrum og síðar éljum sunnan- og vestanlands. Á föstudag er svo útlit fyrir öflugan útsynning, þ.e. suðvestan hvassviðri eða storm með dimmum éljum um landið sunnan- og vestanvert. Spá gerð: 18.03.2026 15:10. Gildir til: 20.03.2026 00:00.
-
Viðvörun Óvissustig vegna snjóflóðahættu á Norðurlandi Meira
-
Viðvörun Óvissustig vegna snjóflóðahættu á norðanverðum Vestfjörðum Meira
-
Gul viðvörun vegna veðurs: Faxaflói, Breiðafjörður, Vestfirðir, Norðurland eystra, Austurland að Glettingi, Austfirðir, Miðhálendi og Strandir og norðurland vestra Meira
Veðurhorfur á landinu
Vaxandi sunnanátt í kvöld og hlýnar vestanlands með slyddu eða rigningu.
Sunnan 15-25 m/s í fyrramálið, hvassast á Norðurlandi. Talsverð rigning sunnan- og vestanlands, en úrkomuminna um landið norðaustanvert. Hlýnandi, hiti 5 til 13 stig um hádegi á morgun, hlýjast norðaustantil.
Suðvestan 15-23 seinnipartinn og kólnar sunnan- og vestantil með skúrum og síðar éljum.
Spá gerð: 18.03.2026 18:32. Gildir til: 20.03.2026 00:00.
Veðurhorfur á landinu næstu daga
Á föstudag:
Suðvestan 15-23 m/s með dimmum éljum, en þurrt að mestu á Norðaustur- og Austurlandi. Frost víða 0 til 6 stig.
Á laugardag:
Suðvestan 13-20 um morguninn og éljagangur, en lægir smám saman þegar líður á daginn. Áfram þurrt á Norðaustur- og Austurlandi. Hiti breytist lítið. Hvessir suðaustanlands um kvöldið með snjókomu.
Á sunnudag:
Norðvestan hvassviðri eða stormur, en hægari um landið vestanvert. Víða él, en talsverð snjókoma norðan- og austanlands fram eftir degi. Dregur úr vindi seinnipartinn. Áfram svalt.
Á mánudag:
Norðlæg eða breytileg átt og él, en styttir upp um landið sunnanvert. Frost 1 til 10 stig.
Á þriðjudag:
Vaxandi suðaustanátt og hlýnar sunnan- og vestanlands með snjókomu og síðar slyddu eða rigningu.
Spá gerð: 18.03.2026 08:05. Gildir til: 25.03.2026 12:00.
