Pólitísk spilling, klíkuskapur og þjófnaður er það sem stýrir athöfnum
Þessir menn verða að skilja það að sjálftakan, þjófnaðurinn og spillingin verður ekki lengur liðin sem er mesta meinið á Íslandi og hún er mest í sjávarútvegi. Við verðum að beita þeim lögum sem eru um sjávarútveginn og taka kvótann af þeim sem hafa farið yfir kvótaþakið. Við verðum að ganga óhrædd til verks og láta verkin tala. Pólitísk spilling, klíkuskapur og þjófnaður er það sem stýrir athöfnum þessara óheiðarlegu aðila sem njóta svo saman ávinningsins af afbrotunum.
Það þarf að skoða allt lífeyrissjóðakerfið og spillinguna í kringum það og berjast fyrir því að lífeyrisréttindi séu erfanleg og eftirlifandi maki njóti fullra réttinda og fái greiðslur úr lífeyrissjóðnum, það eru sjálfsögð mannréttindi. Lífeyrissjóðirnir eiga meira en 6000 milljarða og það þarf að koma böndum á þá.
Frjálslyndi lýðræðisflokkurinn
,,Flokkurinn er opinn öllum, alveg frá hægri til vinstri, við erum breiðfylking og getum unnið með öllum. Okkar áherslur eru helst: Lágir skattar, auðlindir verið þjóðareigna, hafa þjóðaratkvæðagreiðslur um fjölmörg mál, berjast gegn spillingu og standa vörð um fullveldi þjóðarinnar. Þetta verða allir sem bjóða sig fram fyrir flokkinn að vera sammála um svo við náum að koma stefnunni í verk. Um önnur dagleg mál getum við rifist um þar til niðurstað liggur fyrir en þetta er megin stefna flokksins.
Þá viljum við standa vörð um frelsi einstaklingsins til orða og athafna, og verja gjaldmiðilinn okkar, milliríkjaviðskipti og fleira. Fyrst og fremst munum við standa við stefnu okkar og þau loforð sem við munum lofa okkar kjósendum í komandi kosningum.
Hvaða loforð ætlið þið að svíkja fyrst? Þetta er spurning sem fjölmiðlar ættu að spyrja stjórnmálamenn um miklu oftar, vegna þess að flokkarnir reyna að komast hjá því með ýmsum brögðum að efna kosningaloforðin.“ Þetta og margt fleira segir Guðmundur Franklin Jónsson en pistill hans er hér :
