Hötuð af landsmönnum sem forsætisráðherra – verðlaunuð af glóbalistunum með toppstarfi hjá ESB. Braut glóbalismans liggur þvert á almenna hagsmuni.
Kaja Kallas hefur verið afar óvinsæll forsætisráðherra Eistlands. Hún hefur fylgt utanríkisstefnu glóbalismans sem egnir Vesturlönd í stríð við Rússland. Hún dældi opinberu fé í fyrirtæki eiginmannsins sem átti viðskipti í Rússlandi. Tveir þriðju hluti eistnesku þjóðarinnar kröfðust þess í skoðanakönnun, að Kallas segði af sér.
Verður „utanríkismálastjóri“ ESB
Reuters greinir frá því, að landsmenn forsætisráðherrans fái vilja sínum framgengt, þar sem Kaja Kallas lagði fram afsögn sína í vikunni. Glóbalistarnir sjá um sína, því Kaja Kallas flýr óvinsældirnar heima fyrir í gullstól búrókratanna í Brussel. Búist er við að hún verði skipuð yfirmaður utanríkismála ESB.
Sem yfirmaður utanríkismála ESB, þá hefur Kallas meðal annars áhrif á hatrið og stríðsæsinginn gegn Rússlandi. Rússar hafa gefið út handtökuskipun á hendur Kallas svo öruggt er, að hún mun aldrei í eign persónu reyna að tala við Rússana, hvað þá ferðast til Moskvu. Hafa glóbalistarnir með þessu tryggt sér áframhaldandi vegferð að kjarnorkuraganarrökum við Rússland.
Í forsæti þriðju heimsstyrjaldarinnar
Glóbalistarnir hafa með yfirtöku alþjóða stofnana tryggt, að stjórnmálamenn þeirra sem hafa orðið óvinsælir heima fyrir vegna hnattráns glóbalismans eiga trygga afkomu á gullskóm í ýmis ókjörin embætti á alþjóðavettvangi. Annað skýrt dæmi er fyrrverandi forsætisráðherra Hollands, Mark Rutte, sem varð að hrökklast frá völdum í Hollandi vegna eyðileggingar matvælaframleiðslu og landbúnaðar Hollands. Hann var gerður að framkvæmdastjóra hernaðarbandalagsins Nató. Bæði hann og Kaja Kallas verða því í forsæti þriðju heimsstyrjaldarinnar nema að Trump og Orbán takist að stöðva hana.
Hver mynt hefur bakhlið
Þessi mokstur ónýtra stjórnmálamanna sem enginn vill hafa yfir í alþjóðastofnanir mun samt snúast upp í andhverfu sína til lengri tíma litið. Staðbundin óánægja almennings með stjórnmálamenn mun ekki minnka við að sjá þá í valdamiklum alþjóðlegum stöðum eftir að þeim var hafnað á heimavelli. Reiðin mun beinast gegn alþjóða stofnunum í staðinn. Þannig mun skipun Kallas eflaust draga úr trausti Eistlendinga á ESB.
