Hugleiðingar veðurfræðings
Lægð nálgast landið úr suðri og henni fylgir vaxandi norðaustanátt, víða 8-15 m/s eftir hádegi. Skýjað með köflum en þurrt að kalla. Á norðausturlandi er hins vegar hægari vindur og snjómugga. Í kvöld bætir síðan í vind með suðausturströndinni sem og á Vestfjörðum og Breiðafirði. Vægt frost er víðast hvar á landinu en hiti á bilinu 0 til 4 stig syðst. Á morgun fer lægðin vestur fyrir land og vindur verður sunnanstæður og skil fara yfir landið með rigningu eða slyddu en í kjölfarið léttir til og víða verður orðið bjart undir kvöld. Skilunum fylgir heldur hlýrra loft en aftur kólnar annað kvöld.
Veðuryfirlit
Um 900 km S af Reykjanesi er 956 mb lægð sem þokast N en 250 km NA af Færeyjum er 978 mb smálægð sem mjakast N.
Samantekt gerð: 19.02.2021 07:18.
Veðurhorfur á landinu
Vaxandi norðaustan átt, 8-15 m/s og skýjað með köflum og þurrt að kalla eftir hádegi. Hægari vindur og dálítil slydda eða snjókoma norðaustantil. Bætir í vind með suðausturströndinni og á Vestfjörðum í kvöld. Frost 0 til 5 stig en hiti 0 til 4 stig syðst.
Gengur í sunnan 5-13 á morgun en lengst af norðaustan 10-15 um norðvestanvert landið. Rigning eða slydda með köflum en styttir upp og léttir til síðdegis. Hlýnar er líður á daginn, hiti 0 til 6 stig seinnipartinn en kólnar heldur annað kvöld.
Veðurhorfur á höfuðborgarsvæðinu
Norðaustan 5-10 m/s og bjartviðri. Suðaustan 5-13 og rigning með köflum á morgun en styttir upp og léttir til síðdegis. Hiti 0 til 6 stig.
Veðurhorfur á landinu næstu daga
Á sunnudag:
Norðlæg átt 5-10 m/s og rigning eða slydda með köflum norðan- og austanlands, en snjókoma til fjalla. Úrkomulítið í öðrum landshlutum. Hiti um og yfir frostmarki.
Á mánudag:
Fremur hæg suðvestlæg eða breytileg átt og sums staðar dálitlar skúrir eða él, en yfirleitt þurrt austanlands. Hiti breytist lítið.
Á þriðjudag:
Gengur í stífa austan- og norðaustanátt með slyddu eða rigningu, fyrst um landið suðaustanvert, en lengst af þurrt um landið norðvestanvert. Hiti 0 til 5 stig, en heldur svalara fyrir norðan.
Á miðvikudag:
Fremur hæg austlæg átt og dálítil rigning eða slydda um landið austanvert, en úrkomulítið vestantil. Hiti breytist lítið.
Á fimmtudag:
Breytileg átt og úrkomulítið. Hiti 0 til 5 stig.
