Starfsmaður við vegavinnu undir Akrafjalli slasaðist þegar bíl var ekið inn á vinnusvæðið þrátt fyrir lokanir. Hringvegurinn var lokaður vegna malbikunarframkvæmda norðan Hvalfjarðarganga og hjáleið um Akrafjallsveg.
Ríkisútvarpið fjallar um málið og þar segir að starfsmaður hafi rétti út hönd til að gefa ökumanninum merki um að stöðva en sá virti það ekki, gaf í og ók á miklum hraða á hönd starfsmannsins.
Starfsmaðurinn verður frá vinnu í nokkra daga eftir hafa fengið slink á handlegginn, að sögn fyrirtækisins sem segir að ökumaðurinn hafi látið sig hverfa. Atvikið var kært til lögreglu.
Umræða
