Samkvæmt mbl er maðurinn sem fannst látinn í Hafnarfirði í dag Íslendingur fæddur árið 1989. Hann var á 36. aldursári og bjó í nágrenninu.
Þetta upplýsir Skúli Jónsson, yfirlögregluþjónn á lögreglustöðinni í Hafnarfirði.
Gangandi vegfarandi tilkynnti lögreglunni um mann sem lá á grúfu á opnu svæði við Lyngbarð klukkan 12.18 í dag, að sögn Skúla.
Hann segir ekkert benda til þess að andlátið hafi borið að með saknæmum hætti.
Málið er nú á borði rannsóknardeildar og tæknideildar lögreglu. Reynt verður að komast að dánarorsök mannsins.
Umræða
