Klukkan tvö í nótt var ölvaður maður handtekinn í miðborginni sem hafði verið að ónáða vegfarendur og stofna til slagsmála. Maðurinn hafði m.a. sest inn í bifreið hjá konu sem hann þekkti ekki og neitað að fara út úr bifreiðinni fyrr en lögregla kom á vettvang og skipaði manninum að yfirgefa bifreiðina. Maðurinn var færður á lögreglustöð þar sem fyllt var út eyðublað um brot á lögreglusamþykkt ofl. og var maðurinn laus að því loknu.
Ölvuð kona var handtekinn í sama nágrenni skömmu síðar en hún var æst og var að trufla störf lögreglu og fór m.a. ekki að fyrirmælum lögreglu og veittist að lögreglumanni. Konan var færð á lögreglustöð þar sem fyllt var út eyðublað um brot á lögreglusamþykkt. Konan róaðist er hún var komin á lögreglustöðina og var hún laus að lokinni upplýsingatöku.
Afskipti voru höfð af Covid smituðum manni á bifreið í miðri borginni um þrjúleitið í nótt. Maðurinn var að skutla þremur farþegum og var honum kynnt að hann ætti að vera í einangrun og hann yrði kærður fyrir brot á sóttvarnarlögum. Farþegarnir fóru sína leið.
Þá var bifreið stöðvuð á sama svæði síðar um nóttina og ökumaðurinn reyndist ekki hafa gild ökuréttindi. Ökumaðurinn er kona og var hún handtekinn vegna gruns um sölu áfengis en í bifreiðinni reyndist vera töluvert magn af áfengi. Konan var færð á lögreglustöð í skýrslutöku þar sem hún játaði sölu áfengis. Áfengi og ætlaður söluhagnaður haldlagt.
Þá voru ökumenn sem eru grunaðir um vímuefnaakstur og sumir án ökuréttar handteknir af lögreglu í nótt.
