Hugleiðingar veðurfræðings
Norðanáttin er gengin niður á Vesturlandi, en annars staðar er víða kaldi og sums staðar allhvassir eða hvassir vindstrengir undir Vatnajökli og á sunnanverðum Austfjörðum. Það lægir smám saman í dag, en ekki fyrr en í kvöld austast á landinu. Yfirleitt léttskýjað, en lítilsháttar skúrir eða él á Austurlandi fram að hádegi. Hiti 2 til 10 stig yfir daginn, mildast syðst.
Vestan og suðvestan 5-13 m/s á morgun. Grunn lægð fer austur skammt fyrir norðan land og má búast við rigningu víðast hvar, þó síst suðaustantil. Hlýnar aðeins norðan heiða, annars breytist hiti lítið.
Spá gerð: 20.09.2025 06:29. Gildir til: 21.09.2025 00:00.
Veðurhorfur á landinu
Norðvestan 10-18 m/s austanlands í dag og lítilsháttar skúrir eða él fram eftir degi, en hvassari á stöku stað. Mun hægari og yfirleitt bjart í öðrum landshlutum. Hiti 2 til 10 stig.
Vestan 3-10 í kvöld og þykknar upp vestantil.
Vestan og suðvestan 5-13 m/s og rigning á morgun, en úrkomulítið um landið suðaustanvert.
Spá gerð: 20.09.2025 07:48. Gildir til: 22.09.2025 00:00.
Veðurhorfur á landinu næstu daga
Á sunnudag:
Vestan og suðvestan 5-13 m/s og rigning, en úrkomulítið suðaustantil á landinu. Hiti 3 til 9 stig.
Á mánudag (haustjafndægur):
Suðlæg eða breytileg átt 3-10 og lítilsháttar væta, en léttir til á Norður- og Austurlandi. Hiti 5 til 13 stig. Vaxandi suðaustanátt vestanlands um kvöldið.
Á þriðjudag:
Suðlæg átt og súld eða rigning, en þurrt um landið norðaustanvert. Hiti 8 til 13 stig.
Á miðvikudag:
Breytileg átt og víða dálítil væta. Kólnar heldur vestantil.
Á fimmtudag og föstudag:
Suðaustanátt og milt veður. Rigning með köflum, einkum á sunnanverðu landinu.
Spá gerð: 19.09.2025 20:00. Gildir til: 26.09.2025 12:00.
