Auglýsing
Eftir: / 31. desember, 2019

Fréttatíminn : Vinsælasta fréttin í júní 2019 – Íslendingar hafna þriðja orkupakkanum

Skv. könnun MMR eru aðeins 13% þjóðarinnar mjög fylgjandi samþykkt á þriðja orkupakkanum og aðeins17% frekar fylgjandi  ,,Evrópusinnar eru hvað…

Skv. könnun MMR eru aðeins 13% þjóðarinnar mjög fylgjandi samþykkt á þriðja orkupakkanum og aðeins17% frekar fylgjandi 

,,Evrópusinnar eru hvað hlynntastir innleiðingu þriðja orkupakka ESB á Íslandi en nokkurn stuðning er að finna á meðal stuðningsfólks Viðreisnar, Samfylkingar og Pírata. Innan við þriðjungur ríkisstjórnarflokkanna lýsir yfir stuðningi við innleiðingu orkupakkans en mestrar andstöðu gætir á meðal stuðningsfólks Miðflokksins og Flokks fólksins. Þetta kemur fram í nýrri könnun MMR sem framkvæmd var dagana 30. apríl – 3. maí 2019.Af þeim svarendum sem tóku afstöðu til könnunarinnar sögðust 34% mjög andvíg því að þriðji orkupakki ESB taki gildi á Íslandi, 16% kváðust frekar andvíg, 19% bæði og, 17% frekar fylgjandi og 13% mjög fylgjandi. Athygli vekur að 28,5% þátttakenda í könnuninni tóku ekki afstöðu til spurningarinnar.1904 OrkupakkiSpurt var: „Hversu fylgjandi eða andvíg(ur) ert þú gagnvart því að þriðji orkupakki ESB taki gildi á Íslandi?“
Svarmöguleikar voru: „Mjög andvíg(ur)“, „Frekar andvíg(ur)“, „Bæði og“, „Frekar fylgjandi“, „Mjög fylgjandi“ og „Veit ekki/vil ekki svara“.
Samtals tóku 71,5% afstöðu til spurningarinnar.

Munur eftir lýðfræðihópum

Karlar reyndust jákvæðari gagnvart innleiðingu þriðja orkupakkans en 36% þeirra kváðust frekar eða mjög fylgjandi, samanborið við 24% kvenna. Andstaða við innleiðingu orkupakkans jókst með auknum aldri en 38% svarenda 50 ára og eldri kváðust mjög andvíg slíkri innleiðingu, samanborið við 32% svarenda 30-49 ára og 29% þeirra í yngsta aldurshópi (18-29 ára). Þá voru svarendur í yngsta aldurshópi (26%) og þeir á aldrinum 30-49 ára (21%) líklegri til að segjast bæði jákvæðir og neikvæðir mjög slæma heldur en svarendur 50-67 ára (16%) og þeir 68 ára og eldri (13%).

Nokkur munur reyndist á svörun eftir búsetu en íbúar höfuðborgarsvæðisins voru líklegri til að segjast fylgjandi innleiðingu þriðja orkupakkans (37%) heldur en íbúar af landsbyggðinni (19%). Landsbyggðarbúar voru hins vegar líklegri til að segjast andvíg orkupakkanum (63%) heldur en þau af höfuðborgarsvæðinu (43%) en 49% landsbyggðarbúa kváðust mjög andvíg.

1904 Orkupakki x2

Athygli vekur að stuðningur við þriðja orkupakkann virðist almennt ekki hafa vera mikill hjá stuðningsfólki ríkisstjórnarflokkanna. Mestur var stuðningurinn hjá stuðningsfólki Sjálfstæðisflokks en þó voru færri þeirra sem kváðust fylgjandi (28%) innleiðingu orkupakkans heldur en andvíg (44%). Andstaða reyndist meiri á meðal stuðningsfólks Framsóknar (56%) og Vinstri grænna (55%) en rúmlega þriðjungur stuðningsfólks Framsóknarflokksins (35%) kvaðst mjög andvígur.

Af stjórnarandstæðuflokkunum reyndist stuðningsfólk Miðflokksins að öllu leiti andvígt þriðja orkupakkanum en 93% þeirra kváðust mjög andvíg. Meiri stuðning var hins vegar að finna á meðal stuðningsfólks Samfylkingarinnar (68% fylgjandi), Viðreisnar (62% fylgjandi) og Pírata (44% fylgjandi) en nær helmingur stuðningsfólks Viðreisnar (47%) kvaðst mjög fylgjandi innleiðingu þriðja orkupakka ESB.

1904 Orkupakki x3

Ef litið er til ríkisstjórnarflokkanna sem heildar má sjá að tæplega helmingur stuðningsmanna flokkanna þriggja (49%) kvaðst andvígur innleiðingu þriðja orkupakkans en 27% fylgjandi. Stuðningsfólk Flokks fólksins og Miðflokksins reyndist að mestu andvígt orkupakkanum (98%) en 91% þeirra kváðust mjög andvíg. Stuðningsfólk hinna þriggja stjórnarandstöðuflokkanna (Pírata, Samfylkingar og Viðreisnar) reyndist hins vegar nokkuð samstíga í stuðningi sínum við þriðja orkupakkann og kváðust 59% þeirra fylgjandi innleiðingu hans en 29% kváðust frekar fylgjandi og 31% mjög fylgjandi.

Ef litið er til afstöðu svarenda til ríkisstjórnarinnar má sjá að þau sem kváðust ekki styðja ríkisstjórnina voru líklegri til að segjast andvíg orkupakkanum (54%) heldur en þau sem sögðust styðja ríkisstjórnina (43%). Þau sem kváðust styðja ríkisstjórnina reyndust hins vegar líklegri til að segjast bæði andvíg og fylgjandi (26%) innleiðingu orkupakkans heldur en þau sem kváðust ekki styðja ríkisstjórnina (14%).

Þá reyndust þeir svarendur sem kváðust hlynntir inngöngu í Evrópusambandið líklegri til að segjast fylgjandi innleiðingu orkupakkans (64%) heldur en þau sem kváðust andvíg inngöngu í ESB (11%). Svarendur andvígir inngöngu í ESB reyndust hins vegar líklegri til að vera andvíg orkupakkanum (75%) heldur en þau sem kváðust hlynnt inngöngu Íslands í ESB (19%).

1904 Orkupakki x4

Upplýsingar um framkvæmd:

Úrtak: Einstaklingar 18 ára og eldri valdir handahófskennt úr hópi álitsgjafa MMR
Könnunaraðferð: Spurningavagn MMR
Svarfjöldi: 941 einstaklingur
Dagsetning framkvæmdar: 30. apríl til 3. maí 2019

Almennt um birtar niðurstöður kannana MMR
MMR birtir reglulega niðurstöður úr könnunum sem unnar hafa verið meðal almennings um málefni líðandi stundar. Kannanirnar eru jafnan unnar sem hluti af spurningavagni MMR og efnistök valin af starfsfólki MMR út frá þeim fréttum sem eru áberandi í umfjöllun þegar viðkomandi könnunin hefst. MMR birtir ekki fréttatilkynningar úr könnunum sem eru unnar fyrir aðra eða fjármagnaðar af öðrum. Kannanir MMR eru unnar samkvæmt siðareglum ESOMAR.